ନିର୍ବାଚନ କମିଶନଙ୍କ ବଡ଼ ଘୋଷଣା: ଦୁଇଗୁଣା ହେଲା ବୁଥ୍ ଲେଭଲ ଅଫିସରଙ୍କ ପାରିଶ୍ରମିକ

You are currently viewing ନିର୍ବାଚନ କମିଶନଙ୍କ ବଡ଼ ଘୋଷଣା: ଦୁଇଗୁଣା ହେଲା ବୁଥ୍ ଲେଭଲ ଅଫିସରଙ୍କ ପାରିଶ୍ରମିକ

ଭୁବନେଶ୍ୱର: ରାଜ୍ୟରେ ନିର୍ବାଚନ ପ୍ରକ୍ରିୟାକୁ ସୁଗମ ଏବଂ ସୁଚାରୁ ରୁପେ ସଂପାଦନ କରିବା ପାଇଁ ନିର୍ବାଚନ କମିଶନ ଏକ ବଡ଼ ଘୋଷଣା କରିଛନ୍ତି। କମିଶନ ପକ୍ଷରୁ ବୁଥ୍ ଲେଭଲ ଅଫିସର (ବିଏଲଓ) ଙ୍କ ପାରିଶ୍ରମିକକୁ ଦୁଇଗୁଣ ବୃଦ୍ଧି କରାଯାଇଛି। ଏହି ବୃଦ୍ଧି ଅନୁଯାୟୀ, ବୁଥ୍ ଲେଭଲ ଅଫିସରଙ୍କ ପାରିଶ୍ରମିକ ପୂର୍ବରୁ ୬ ହଜାର ଟଙ୍କା ଥିବା ବେଳେ ଏବେ ଏହା ୧୨ ହଜାର ଟଙ୍କାକୁ ବୃଦ୍ଧି ପାଇଛି।

ସେହିପରି ଇଲେକ୍ଟୋରାଲ ରୋଲ ରିଭିଜନର ପ୍ରୋତ୍ସାହନ ରାଶିକୁ ମଧ୍ୟ ୧୦୦୦ ଟଙ୍କା ବୃଦ୍ଧି କରାଯାଇଛି। ବୁଥ୍ ଲେଭଲ ଅଫିସର ସୁପରଭାଇଜରଙ୍କ ପାରିଶ୍ରମିକ ମଧ୍ୟ ୧୨ ହଜାର ଟଙ୍କାରୁ ୧୮ ହଜାର ଟଙ୍କାକୁ ବୃଦ୍ଧି କରାଯାଇଛି। ଏଇଆରଓ ଏବଂ ଇଆରଓ ଙ୍କ ଦରମା ୨୫ ହଜାର ଟଙ୍କାକୁ ବୃଦ୍ଧି ପାଇଛି।ନିର୍ବାଚନ କମିଶନଙ୍କ ଏହି ଘୋଷଣା ନିର୍ବାଚନ ପ୍ରକ୍ରିୟାରେ ସଂଶ୍ଳିଷ୍ଟ ସମସ୍ତ ଅଫିସରଙ୍କ ପାଇଁ ଏକ ବଡ଼ ଉତ୍ସାହ ସୃଷ୍ଟି କରିଛି।

Share

Leave a Reply