ଅନୁଗୁଳ: ଆଜି ଅପରାହ୍ନରେ ବିଶେଷ ସୂତ୍ରରୁ ଖବର ପାଇ ଜିଲ୍ଲା ଆରକ୍ଷୀ ଅଧୀକ୍ଷକ ରାହୁଲ ଜୈନଙ୍କ ନିର୍ଦ୍ଦେଶ କ୍ରମେ ଅନୁଗୁଳ ଥାନା ପୋଲିସ ଓ ଜିଲ୍ଲା ସ୍ପେଶାଲ ସ୍କ୍ୱାର୍ଡ ମିଳିତ ଭାବେ ଟାଉନ ହାଇସ୍କୁଲ ସାମ୍ନାରେ ମ୍ୟୁନିସିପାଲଟି ନୂତନ ଭାବେ ନିର୍ମିତ ଭେଣ୍ଡିଙ୍ଗ ଜୋନ ଠାରେ ଚଢ଼ଉ କରିଛି। ସେଠାରୁ ୩ ଜଣଙ୍କୁ ଗିରଫ କରିବା ସହିତ ବ୍ରାଉନ ସୁଗାର ସହ ବହୁ ପରିମାଣର ଟଙ୍କା ଜବତ କରିଛି।
ଗିରଫ ହୋଇଥିବା ବ୍ୟକ୍ତି ହେଉଛନ୍ତି ରାଜକିଶୋରପଡାର ଚତୁରୀ ନାଏକ(୫୨), ପିଣ୍ଟୁ ଓରଫ ମୀର ହାସିମ(୨୯), ତୁରଙ୍ଗର ସୋମେଶ ଦାସ (୨୧)। ଚଢ଼ଉରେ ୫ ଗ୍ରାମ ୬୦୦ ମିଲିଗ୍ରାମ ବ୍ରାଉନସୁଗାର ଜବତ ହୋଇଛି, ଯାହାର ମୂଲ୍ୟ ଏକ ଲକ୍ଷ ଟଙ୍କା ହେବ।
ଏଥିସହ ନଗଦ ୨,୧୭,୧୯୦ ଟଙ୍କା, ତିନିଗୋଟି ମୋବାଇଲ ଫୋନ ଓ ଗୋଟିଏ ଟାବ୍ଲେଟ, କିଛି ପ୍ରିନ୍ଟେଡ କାଗଜ ଟୁକୁରା ଯହିଁରେ ବ୍ରାଉନ ସୁଗାର ପ୍ୟାକେଟ ହୋଇଥାଏ, ତାହା ଜବତ ହୋଇଛି। ଏ ନେଇ ଅନୁଗୁଳ ଟାଉନ ଥାନା ଆଇଆଇସି ଧୀରେସ କୁମାର ଦାସ ସୂଚନା ଦେଇଛନ୍ତି।
