ଅନୁଗୁଳ: ଡିଏଭି ପବ୍ଲିକ୍ ସ୍କୁଲ୍, ଅନୁଗୁଳ ତରଫରୁ ବ୍ଲାକ୍ ଡାଇମଣ୍ଡ ସଭାଗୃହ ଠାରେ ଆଡମ୍ବର ସହକାରେ ଶିଶୁ ଦିବସ ସମାରୋହ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମକୁ ଦୁଇଟି ପର୍ଯ୍ୟାୟରେ ବିଭକ୍ତ କରାଯାଇଥିଲା ।
ଏଥିରେ ଏଲ୍.କେ.ଜି. ଠାରୁ ଦ୍ୱିତୀୟ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀମାନେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ମୁଖ୍ୟ ଅତିଥି ଭାବେ ଡଃ. ସଂଯୁକ୍ତା ଦେବତା ଯୋଗଦେଇ କୃତି ଛାତ୍ରଛାତ୍ରୀମାନଙ୍କୁ ପୁରସ୍କୃତ କରିଥିଲେ । ଏହି ପର୍ଯ୍ୟାୟରେ ତୃତୀୟ ଶ୍ରେଣୀ ଠାରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ ।
ଓଡ଼ିଶା ରାଜ୍ୟ ସ୍କାଉଟ୍ ଏବଂ ଗାଇଡ୍ ଦୁଃସାହସିକ କମିଟିର ଅଧ୍ୟକ୍ଷ ତଥା ସହାୟକ ରାଜ୍ୟ କମିଶନର ସ୍ୱାଧୀନ ପଣ୍ଡା ଏବଂ ଟାଟା ଷ୍ଟିଲ ନିଳାଞ୍ଚଳର ବରିଷ୍ଠ ପରିଚାଳକ (ସୁରକ୍ଷା) ଧର୍ମାନନ୍ଦ ସାମଲ ମୁଖ୍ୟ ଅତିଥି ଭାବେ ଯୋଗଦେଇ ପୁରସ୍କାର ପ୍ରଦାନ କରିଥିଲେ ।
ବିଦ୍ୟାଳୟର ଅଧ୍ୟକ୍ଷ ଡଃ ଶମିର କୁମାର କାନୁନଗୋ ଓ ଶିକ୍ଷାଗତ ପରିଦର୍ଶିକା ଅମ୍ରିତା ପ୍ରିୟଦର୍ଶିନୀ ଯୋଗଦେଇ ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ । ଶିକ୍ଷୟିତ୍ରୀ ଦୀପିକା ସାମଲ କାର୍ଯ୍ୟକ୍ରମ ସଂଯୋଜନା କରିଥିବା ବେଳେ ସମସ୍ତ ଶିକ୍ଷକ ଶିକ୍ଷୟିତ୍ରୀ ସହଯୋଗ କରିଥିଲେ । ପରିଶେଷରେ ଶିକ୍ଷୟିତ୍ରୀ ଅନ୍ତରା ମୁଖୋପାଧ୍ୟାୟ ଧନ୍ୟବାଦ ଅର୍ପଣ କରିଥିଲେ ।
