ଅନୁଗୁଳ: ଅନୁଗୁଳ ହୁଲୁରିସିଂହା ଠାରେ ଭାରତ ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ ଅଧିନସ୍ଥ କ୍ଷେତ୍ର ଜନସମ୍ପର୍କ କାର୍ଯ୍ୟାଳୟ , ସମ୍ବଲପୁର ପକ୍ଷରୁ ରବିବାର “କୋଭିଡ ଉପଯୁକ୍ତ ବ୍ୟବହାର” ସମ୍ପର୍କିତ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡାକ୍ତର ତ୍ରିଲୋଚନ ପ୍ରଧାନ , ଅବସରପ୍ରାପ୍ତ ଅଧ୍ୟକ୍ଷ ଶାନ୍ତନୁ ସର ପ୍ରମୁଖ ଯୋଗଦେଇ କରୋନାର ଭୟାବହତା ଓ ତାର ପ୍ରତିକାର ସଂପର୍କରେ ଵିସ୍ତୃତ ଆଲୋଚନା କରିଥିଲେ। ଏହି ଅବସରରେ ଏକ ସଚେତନତା ର୍ୟାଲି ଶତାଧିକ ମହିଳା ଓ ପୁରୁଷଙ୍କୁ ନେଇ ଅନୁଷ୍ଠିତ ହୋଇଥିଲା। ପରିଶେଷରେ ଭାରତ ସରକାରଙ୍କର ସ୍ୱୀକୃତି ପ୍ରାପ୍ତ କଳାକାରଙ୍କ ଦ୍ୱାରା ମ୍ୟାଜିକ ପ୍ରଦର୍ଶନ କରା ଯାଇଥିଲା।ଏହି କାର୍ଯ୍ୟକ୍ରମକୁ ସମ୍ବଲପୁର କ୍ଷେତ୍ର ଜନସମ୍ପର୍କ କାର୍ଯ୍ୟାଳୟର ସହକାରୀ ନିର୍ଦ୍ଦେଶକ ରାମେଶ୍ୱର ନାୟକ ଓ ଫୁଲବାଣୀ ସ୍ଥିତ କ୍ଷେତ୍ର ପ୍ରଚାର ସହାୟକ ସତ୍ୟନାରାୟଣ ନନ୍ଦ ପରିଚାଳନା କରିଥିଲେ।
