ଅନୁଗୁଳ: ଅନୁଗୁଳ ଜିଲ୍ଲା ଅବକାରୀ ବିଭାଗ ପକ୍ଷରୁ ସୋମବାର ବିଳମ୍ବିତ ରାତିରେ ୩ ଟି ସ୍ଥାନରେ ଚଢ଼ଉ କରାଯାଇ ୯ଟି ମାମଲା ରୁଜୁ କରିବା ସହ ୮ ଜଣକୁ ଗିରଫ କରାଯାଇଛି।
ଅବକାରୀ ବିଭାଗର ସୁପରିଟେଣ୍ଡେଣ୍ଟ ମଧୁସ୍ମିତା ନାୟକଙ୍କ ନିର୍ଦ୍ଦେଶରେ ଡେପୁଟି ସୁପରିଟେଣ୍ଡେଣ୍ଟ ନୀଳାଦ୍ରି ନାୟକଙ୍କ ତତ୍ତ୍ୱାବଧାନରେ ଇନ୍ସପେକଟର ରମ୍ଭା ବାଗ ଓ ଉମାକାନ୍ତ ସାଇଁ ସମେତ ଏପିଆର ଫୋର୍ସ ନେଇ ବାଗିଡ଼ିଆ ଅଞ୍ଚଳରେ ଚଢ଼ଉ କରି ୩ ଜଣଙ୍କୁ ଗିରଫ କରିଥିଲେ।
ସେହିପରି ଆଠମଲ୍ଲିକ ଆଇଆଇସି ପବିତ୍ର ମାଝି, ବଇଁଦା ଏଏସ୍ଆଇ ମାଧବେଶ ମାରାଣ୍ଡି ଭିନ୍ନ ଭିନ୍ନ ସ୍ଥାନରେ ଚଢ଼ଉ କରି ୬ଟି ମାମଲା ସହ ୫ ଜଣଙ୍କୁ ଗିରଫ କରିବାରେ ସଫଳ ହୋଇଛନ୍ତି। ସମସ୍ତ ସ୍ଥାନରୁ ୧୩୫ ଲିଟର ଦେଶୀ ମଦ ଜବତ କରାଯାଇଥିବା ବେଳେ ୧୧ ଶହ ଲିଟର ପୋଚକୁ ନଷ୍ଟ କରି ଦିଆଯାଇଛି। ଏଥିସହ ମଦ ପ୍ରସ୍ତୁତି ଜବତ ହୋଇଥିବା ଡେପୁଟି ସୁପରିଟେଣ୍ଡେଣ୍ଟ ଜଣାଇଛନ୍ତି।
