ଆଜିଠୁ ଆରମ୍ଭ ହେଲା ଗୋ-ଗୀତା ସତସଙ୍ଗ୍ କାର୍ଯ୍ୟକ୍ରମ, ଗୋ-ସୁରକ୍ଷା ପାଇଁ ଆହ୍ୱାନ କଲେ ବାବା ଦୀନବନ୍ଧୁ ଦାସ ଜୀ ମହାରାଜା

ଅନୁଗୁଳ : ସ୍ଥାନୀୟ ମଦନମୋହନପଡ଼ା ସ୍ଥିତ ଟାଉନ୍ ହଲ ଠାରେ ଶ୍ରୀଗୋପାଳ ଗୋଶାଳା ଓ ମାତୃଶକ୍ତି ଗୋସେବା ସମିତି ପକ୍ଷରୁ ଗୋ-ଗୀତା ସତସଙ୍ଗ୍ କାର୍ଯ୍ୟକ୍ରମ ଆୟୋଜିତ ହୋଇଛି।

ପ୍ରବଚକ ବାବା ଦୀନବନ୍ଧୁ ଦାସ ଜୀ ମହାରାଜାଙ୍କ ଦ୍ଵାରା ଏହି ପ୍ରବଚନ ୩ ଦିନ ଧରି ଆଜି ଠାରୁ ରବିବାର ପର୍ଯ୍ୟନ୍ତ ଅନୁଷ୍ଠିତ ହେବ। ଏହି ଭଗବତ୍ କଥାଯଜ୍ଞ ଓ ଅନ୍ନ ଯଜ୍ଞରେ ଯୋଗଦାନ କରି ଭଗବାନଙ୍କ ଅମୃତବାଣୀ ଶ୍ରବଣର ସୌଭାଗ୍ୟ ଲାଭ କରିବା ନିମନ୍ତେ ଆୟୋଜକଙ୍କ ତରଫରୁ ଅନୁରୋଧ କରାଯାଇଛି। କାର୍ଯ୍ୟକ୍ରମରେ ଗୋଶାଳରେ ଗୋମାତାଙ୍କ ପୂଜନ ଓ ଦର୍ଶନ କାର୍ଯ୍ୟକ୍ରମ ରହିଛି। ସମସ୍ତେ ଗୋବଂଶର ରକ୍ଷା ନିମନ୍ତେ ଆଗେଇ ଆସିବା ଦରକାର ବୋଲି ବାବା ଦୀନବନ୍ଧୁ ଦାସ ମହାରାଜା ଆହ୍ୱାନ ଦେଇଛନ୍ତି। ସତସଙ୍ଗ୍ ପରେ ପ୍ରସାଦ ସେବନର ବ୍ୟବସ୍ଥା ହୋଇଛି।