ବଇଣ୍ଡା: ଅନୁଗୁଳ ଜିଲ୍ଲା କିଶୋରନଗର ବ୍ଲକ ହଣ୍ଡପା ଥାନା ଅନ୍ତର୍ଗତ ପଡ଼ିଆରେ ଚାଲିଥିବା ସରିଗୀପାଲି ଜୟ ମେମୋରିଆଲ କପ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି। ୧୬ଟି ଦଳ ଅଂଶ ନେଇଥିବା ଟୁର୍ଣ୍ଣାମେଣ୍ଟର ଫାଇନାଲରେ ସରିଗୀପାଲି ଦଳ ଧାର୍ଯ୍ୟ ୭୦ ରନର ଟାର୍ଗେଟ ହାସଲ ସହ ଅଏଡାକୁ ପରାଜିତ କରି ଚାମ୍ପିୟାନ ହୋଇଛି।
ଏହି ମ୍ୟାଚ ପରିଚାଳନା କରିଥିଲେ ସରୋଜ କୁମାର ପ୍ରଧାନ ଓ ଅନିଲ ଦେହୁରି। ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ଡ଼. ଅଲେଖ କୁମାର ପ୍ରଧାନ, ଅନ୍ୟତମ ଅତିଥି ସତ୍ୟବ୍ରତ ସାହୁ ଯୋଗଦେଇ ବିଜୟୀ ଏବଂ ଉପବିଜୟୀଙ୍କୁ ପୁରସ୍କାର ବଣ୍ଟନ କରିଥିଲେ। କ୍ରିଡ଼ା ପରିଚାଳନାରେ ବଣ୍ଟି ସାହୁ ଓ ଗୋଲଡି ସାହୁ ସହଯୋଗ କରିଥିଲେ।
