ଅନୁଗୁଳ: ତୁରଙ୍ଗ ଇନ୍ଦ୍ରହରି ନଗରରୁ ଚୋରି ଘଟଣାରେ ଜଣେ ଯୁବକଙ୍କୁ ଅନୁଗୁଳ ପୁଲିସ ଗିରଫ କରିଛି। ଗିରଫ ଯୁବକ ଜଣଙ୍କ ହେଲେ କରଡ଼ାଗାଡ଼ିଆର ଶିବା ଗୋଚ୍ଛାୟତ(୨୨)। ପୁଲିସ ସୂଚନା ଅନୁସାରେ, ତୁରଙ୍ଗ ଇନ୍ଦ୍ରହରି ନଗରରେ ରହୁଥିବା ଜଳଧର ସାହୁଙ୍କ ଘରୁ ଗତ ୩ ତାରିଖରେ ଚୋରି ହୋଇଥିଲା । ଦୁର୍ବୃତ୍ତ ତାଙ୍କ ଘରୁ ୩୦ ଗ୍ରାମ ସୁନା ଓ ୧୫ଶହ ଟଙ୍କା ଚୋରି କରି ନେଇଥିବା ସେ ଅଭିଯୋଗ କରିଥିଲେ । ଅନୁଗୁଳ ପୁଲିସ୍ ଥାନାରେ ୧୨୧/୨୧ରେ ଏକ ମାମଲା ରୁଜୁ କରି ତଦନ୍ତ କରୁଥିଲା। ଏହି ମାମଲାରେ ଅଭିଯୁକ୍ତ ଶିବା ଗୋଛାୟତକୁ ପୁଲିସ ଗିରଫ କରି ମଙ୍ଗଳବାର କୋର୍ଟ ଚାଲାଣ କରିଛି। ତା’ ପାଖରୁ ୧୫ ଶହ ଟଙ୍କା ଜବତ କରାଯାଇଥିବା ପୁଲିସ ପକ୍ଷରୁ ସୂଚନା ମିଳିଛି।