ଅନୁଗୁଳ: ଓପି ଜିନ୍ଦଲ ଅନୁଗୁଳ କପ୍ ଫୁଟଵଲ ଟୁର୍ଣ୍ଣାମେଣ୍ଟର ତୃତୀୟ ଦିନର ମ୍ୟାଚ୍ ଆଜି ଆଠମଲ୍ଲିକ ଫୁଟଵଲ କ୍ଲବ୍ ଏବଂ ଚାନ୍ଦ ଫୁଟବଲ କ୍ଲବ୍ ମଧ୍ୟରେ ଅନୁଷ୍ଠିତ ହୋଇଥିଲା।
ଏହି ମ୍ୟାଚରେ ଆଠମଲ୍ଲିକ ଫୁଟଵଲ କ୍ଲବ୍ ପେନାଲ୍ଟି କିକ୍ ଦେଇ ୩-୧ ଗୋଲରେ ଚାନ୍ଦ ଫୁଟଵଲ କ୍ଲବକୁ ହରାଇଥିଲା। ପ୍ରଶାନ୍ତ କୁମାର ପାଲ ମ୍ୟାଚ୍ ପରିଚାଳନା କରିଥିବାବେଳେ ଆଲୋକ ଦେହୁରୀ, ଅଶୋକ ପଣ୍ଡା ଏବଂ ଶ୍ରୀମୁଖ ଗଡନାୟକ ସହାୟତା କରିଥିଲେ। ଜିଲ୍ଲା କ୍ରୀଡା ଅଧିକାରୀ ଅକ୍ଷୟ କୁମାର ସିଠ ଓ ଶାରୀରିକ କ୍ରୀଡା ନିରୀକ୍ଷକ ପ୍ରଶାନ୍ତ ସିହ୍ନା ଅତିଥି ଭାବେ ଯୋଗଦେଇଥିଲେ। ଆଠମଲ୍ଲିକ ଫୁଟଵଲ କ୍ଲବର ସୁନିଲ ବାଘ ଶ୍ରେଷ୍ଠ ଖେଳାଳୀ ଭାବେ ପୁରସ୍କୃତ ହୋଇଥିଲେ।
