ଅନୁଗୁଳ: ଅନୁଗୁଳ ଜିଲ୍ଲା ବଅଁରପାଳ ବ୍ଲକ ଅନ୍ତର୍ଗତ ତୁରଙ୍ଗ ଗ୍ରାମ ପଞ୍ଚାୟତରେ ୫ ଦିନ ହେଲା ପାଇପ୍ ଲାଇନରେ ପାଣି ଆସୁ ନଥିବାରୁ ପଞ୍ଚାୟତର ସମସ୍ତ ମହିଳା ମାନେ ରବିବାର ପମ୍ପ ହାଉସ୍କୁ ଘେରାଉ କରିଥିଲେ। ସୂଚନା ମୁାବକ, ତୁରଙ୍ଗ ପଞ୍ଚାୟତ ବାସୀ ପାଇପ୍ ଯେଗେ ପାନୀୟ ଜଳ ଯୋଗାଣ ଉପରେ ନିର୍ଭର କରନ୍ତି। ଗତ ୫ ଦିନ ହେବ ପାଇପ୍ ଲାଇନରେ ପାଣି ଆସୁନାହିଁ। ଯାହା ଫଳାରେ ପଞ୍ଚାୟତବାସୀ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି। ତେଣୁ ମହିଳା ମାନେ ଏହି ଆନ୍ଦୋଳାତ୍ମକ ପନ୍ଥା ଗ୍ରହଣକରି ପମ୍ପ ହାଉସ୍କୁ ଘେରାଉ କରିଥିଲେ। ତେବେ ଏ ନେଇ ପମ୍ପ ଚାଳକଙ୍କୁ ପଚାରିବାରୁ ସେ କହିଲେ ଯେ, ପମ୍ପ ହାଉସ୍ର ବିଦ୍ୟୁତ୍ ବିଲ ପୈଠ କରାଯାଇ ନାହିଁ। ତେଣୁ ବିଦ୍ୟୁତ୍ ବିଭାଗ ଆସି ବିଦ୍ୟୁତ୍ ସେବାକୁ ବନ୍ଦ କରି ଦେଇଛି। ୨ ଦିନ ମଧ୍ୟରେ ଯଦି ପାଇପ୍ ଲାଇନରେ ପାଣି ଯୋଗାଇ ଦିଆ ନ ଯାଏ ତା’ ହେଲେ ମହିଳାମାନେ ରାଜ ରାସ୍ତାକୁ ଉଲ୍ଲେଇବେ ବୋଲି ଚେତାବନୀ ଦେଇଛନ୍ତି।
