ଅନୁଗୁଳ: ଅନୁଗୁଳ ଜିଲ୍ଲା ବଅଁରପାଳ ଥାନା ମହୀଧରପୁର ଫାଣ୍ଡି ଅନ୍ତର୍ଗତ ସେରେଣାବେଡ଼ା ଛକ ନିକଟରେ ଏକ ବାଇକ୍ ସାମ୍ନାରୁ ଆସୁଥିବା ସ୍କୁଟିକୁ ଧକ୍କା ଦେବାରୁ ୪ ଜଣ ଗୁରୁତର ହୋଇଛନ୍ତି।
ସୂଚନା ମୁତାବକ, ଆଜି ସନ୍ଧ୍ୟାରେ ସେରେଣାବେଡ଼ା ଛକ ନିକଟରେ ବାଇକ୍ (OD 19 M 7805) ମହିଧରପୁର ଆଡକୁ ଆସୁଥିବା ବେଳେ ହିନ୍ଦୋଳ ଆଡକୁ ଯାଉଥିବା ସ୍କୁଟି (OD 05 2K 4680)କୁ ଧକ୍କା ଦେଇଥିଲା। ଦୁର୍ଘଟଣାରେ ୪ ଜଣ ଗୁରୁତର ହୋଇଛନ୍ତି। ଗୁରୁତରଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲେ। ସେମାନଙ୍କ ଅବସ୍ଥା ଅଧିକ ଗୁରୁତର ହେବାରୁ ଭୁବନେଶ୍ୱର ସ୍ଥାନାନ୍ତର କରାଯାଇଛି। ଏ ପର୍ଯ୍ୟନ୍ତ ଦୁର୍ଘଟଣାଗ୍ରସ୍ତଙ୍କ ପରିଚୟ ମିଳିପାରିନାହିଁ।
