ଛେଣ୍ଡିପଦା/ଜରପଡ଼ା: ଅନୁଗୁଳ ଜିଲ୍ଲା ଛେଣ୍ଡିପଦା ବ୍ଲକ ଜରପଡ଼ା ଗ୍ରାମର ବରିଷ୍ଠ ନାଗରିକ ସଂଘ ଆହ୍ବାନ କ୍ରମେ ସ୍ଥାନୀୟ ଧବଳେଶ୍ବର ଶିବ ମନ୍ଦିର ଠାରେ ବାର୍ଷିକ ସମ୍ମିଳନୀ ଓ ନବ ବର୍ଷରେ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ସଂଘ ଆବାହକ ଅବସରପ୍ରାପ୍ତ ଶିକ୍ଷକ ଅଭିରାମ ସାହୁଙ୍କ ପୋୖରୋହିତ୍ୱରେ ଆୟୋଜିତ କାର୍ଯ୍ୟକ୍ରମରେ ଅବସରପ୍ରାପ୍ତ ପ୍ରଧାନ ଶିକ୍ଷକ ତଥା ସାମାଜିକ କର୍ମୀ ପ୍ରହ୍ଲାଦ ପ୍ରଧାନ ସଭାପତିତ୍ବ କରିଥିଲେ। ଅନ୍ୟମାନଙ୍କ ମଧ୍ୟରେ ଶିକ୍ଷାବିତ୍ ଲିଙ୍ଗରାଜ ପ୍ରଧାନ, ବିଚିତ୍ରାନନ୍ଦ ପ୍ରଧାନ, ଭୀମସେନ ସାହୁ, ବରିଷ୍ଠ ନେତା ରସାନନ୍ଦ ସାହୁ, ପବିତ୍ର ମୋହନ ସାହୁ, ପରମାନନ୍ଦ ସାହୁ, ଜନାର୍ଦ୍ଦନ ପ୍ରଧାନ, ଅନିରୁଦ୍ଧ ସାହୁ ପ୍ରମୁଖ ମଞ୍ଚାସୀନ ଥିଲେ।
ଏ ଅବସରରେ ବରିଷ୍ଠ ନାଗରିକଙ୍କ ସୁସ୍ଥ ଓ ନିରାମୟ ଜୀବନ ପାଇଁ ପ୍ରଭୁ ଶ୍ରୀ ଧବଳେଶ୍ବରଙ୍କ ପାଖରେ ପ୍ରାର୍ଥନା କରାଯାଇଥିଲା। କାର୍ଯ୍ୟକ୍ରମରେ ପୂର୍ବତନ ଗ୍ରାମ ସଭାପତି ତଥା ଶତାୟୁ ପୁରୁଷ ଭୋଳେଶ୍ୱର ପ୍ରଧାନଙ୍କୁ ପୁଷ୍ପ ଗୁଚ୍ଛ ସହ ଉତ୍ତରୀୟ ପ୍ରଦାନ ପୂର୍ବକ ବରିଷ୍ଠ ନାଗରିକ ସମ୍ମାନରେ ସମ୍ବର୍ଦ୍ଧିତ କରାଯାଇଥିଲା। ଏହାପରେ ଉପସ୍ଥିତ ଶତାଧିକ ବରିଷ୍ଠ ନାଗରିକଙ୍କୁ ସଂଘ ପକ୍ଷରୁ ଉତ୍ତରୀୟ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା।
ନୂତନ ବର୍ଷ ଅବସରରେ ମନ୍ଦିର ପ୍ରାଙ୍ଗଣରେ ବନ୍ଧୁ ମିଳନ କାର୍ଯ୍ୟକ୍ରମ ସାଙ୍ଗକୁ ସାମୂହିକ ଅନ୍ନ ପ୍ରସାଦ ସେବନ ବ୍ୟବସ୍ଥା କରାଯାଇଥିଲା। କାର୍ଯ୍ୟକ୍ରମରେ ସୁବ୍ରତ କୁମାର ସାହୁ, ବିଭୂତି ଭୂଷଣ ପ୍ରଧାନ, ଶଶି ଭୂଷଣ ବେହେରା, ଡମ୍ବରୁଧର ବେହେରା, ପଞ୍ଚୁନାଥ ସାହୁ, ଚିତ୍ତରଞ୍ଜନ ସାହୁ, ରଞ୍ଜନ ସାହୁ, ଲମ୍ବୋଦର ସାହୁ, ଅରୁଣ ସାହୁ ପ୍ରମୁଖ ଉପସ୍ଥିତ ଥିଲେ।
