ତାଳଚେର: ତାଳଚେର ପୌର ପରିଷଦ ଅନ୍ତର୍ଗତ ୱାର୍ଡ ନଂ-୧୮ ଦେଉଳବେଢ଼ା ତେଲିସାହିର କାକୁଡିଆ ସାହି ତୈଳିକ ବୈଶ୍ୟ ସମାଜର ନୂତନ କର୍ମକର୍ତ୍ତାକର୍ତ୍ତା ଚୟନ କରାଯାଇଛି।
ନୂତନ ସଭାପତି ଭାବେ ଶିବାନନ୍ଦ ପୃଷ୍ଟି, ସଂପାଦକ ଭାବେ ଜ୍ଞାନେଶ୍ୱର ସାହୁ, କୋଷାଧ୍ୟକ୍ଷ ଭାବେ ନିରାକାର ପୃଷ୍ଟି ଓ ଉପଦେଷ୍ଟା ଭାବେ ବିନୋଦ କୁମାର ପୃଷ୍ଟି, ରମେଶ ଚନ୍ଦ୍ର ସାହୁ, ସୁରଜ କୁମାର ସାହୁଙ୍କୁ ସମସ୍ତ ଗୁଆ ଭାଇଙ୍କ ଉପସ୍ଥିତିରେ ଚୟନ କରାଯାଇଛି। ଏହି ଅବସରରେ ପୂର୍ବତନ କାର୍ଯ୍ୟକର୍ତ୍ତାଙ୍କୁ ବିଦାୟୀ ସମ୍ବର୍ଦ୍ଧନା ଦିଆଯାଇଛି।
ଏହି ଅବସରରେ ୬ ଜଣ ନୂତନ ଗୁଆ ଭାଇଙ୍କୁ ସମାଜରେ ଅନ୍ତର୍ଭୁକ୍ତ କରାଯାଇଛି। କାର୍ଯ୍ୟକ୍ରମରେ ତୈଳିକ ସମାଜର ସଭାପତି ତଥା ତାଳଚେର ଆଞ୍ଚଳିକ ସମିତିର କୋଷାଧ୍ୟକ୍ଷ ବିଜୟ କୁମାର ପୃଷ୍ଟି ଓ ଦେଉଳବେଢ଼ା ତେଲିସାହିର ସଂପାଦକ ଓ ତାଳଚେର ଆଂଚଳିକ ସମିତିର ସହ-ସଂପାଦକ ତଥା ଢେଙ୍କାନାଳ-ଅନୁଗୁଳ ୫୫ ସମିତିର ଅଡିଟର ପ୍ରମୋଦ କୁମାର ପୃଷ୍ଟିଙ୍କ ସହିତ ୨୦ ସମିତିର ଉପଦେଷ୍ଟା ପ୍ରହ୍ଲାଦ ସାହୁ ଉପସ୍ଥିତ ଥିଲେ।
