ଅନୁଗୁଳ: SUV CURVV ଲଞ୍ଚ କଲା ଟାଟା ମୋଟର୍ସ। ଏହି କାର ଦୁଇଟି ଭାରିଆଣ୍ଟ ଇଲେକ୍ଟିକ୍ (ଇଭି) ଏବଂ ଇଣ୍ଟରନାଲ କମ୍ବସନ୍ ଇଞ୍ଜିନ୍ (ICE)ରେ ଉପଲବ୍ଧ। ଏହା ଏକ କ୍ୟାପ୍ ଷ୍ଟାଇଲ୍ SUV। CURVV ଏକ ଆକର୍ଷଣୀୟ ତଥା ସ୍ପୋର୍ଟସ ଡିଜାଇନ୍ କାର। ଏଥିରେ ବୋଲ୍ଡ ଫ୍ରଣ୍ଟ୍ ଗ୍ରୀଲ୍, ହାଲୁକା ହେଡଲ୍ୟାମ୍ପ, କ୍ୟାପ୍ ଭଳି ରୁଫଲାଇନ୍ ଏବଂ ଷ୍ଟାଇଲିସ୍ ଆଲୋଇ ୱିଲ୍ସ ଅଛି। CURVV ର ଏକ ପ୍ରିମିୟମ୍ ଏବଂ ଆରାମଦାୟକ ଇଣ୍ଡୋରିଅର୍ ଅଛି। ଏଥିରେ ୧୨.୩ ଇଞ୍ଚର ଟଚ ସ୍କ୍ରିନ ଇନଫୋଟେନମେଣ୍ଟ ସିଷ୍ଟମ, ପାନୋରାମିକ୍ ସନରୁଫ୍, ଭେଣ୍ଟିଲେଟେଡ୍ ଫ୍ରଣ୍ଟ ସିଟ୍, ଆୟରଲେସ୍ ଚାର୍ଜ ଏବଂ ଅନ୍ୟାନ୍ୟ ସୁବିଧା ସାମିଲ ଅଛି। CURVVରେ ଦୁଇଟି ଇଞ୍ଜିନ୍ ଅପ୍ସନ ରହୁଛି ।
CURVV EV ରେ ୪୦ kWh ବ୍ୟାଟେରୀ ପ୍ୟାକ୍ ଅଛି, ଯାହା ୩୦୦ କିଲୋମିଟର ଏବଂ ୧୭୦bhpର ପାୱାର ଦେଇଥାଏ। CURVV ICEରେ ୧.୨ ଲିଟର ପେଟ୍ରୋଲ୍ ଇଞ୍ଜିନ୍ ରହିଛି, ଯାହା ୧୨୫ bhp ପାୱାର ଏବଂ ୧୭୦ Nmର ଟର୍କ ଜେନେରେଟ୍ କରେ। ସୁରକ୍ଷାକୁ ଦୃଷ୍ଟିରେ ରଖି CURVV ଭଲ ଭାବେ ଡିଜାଇନ୍ କରାଯାଇଛି। ଏଥିରେ ଏୟାରବ୍ୟାଗ, ଏବିଏସ୍ ଇବିଡି, ଇଏସପି ଏବଂ ଟିସିଏସ୍ ଭଳି ଅନେକ ସୁରକ୍ଷା ବ୍ୟବସ୍ଥା ଅଛି।
CURVV EV ର ଦାମ୍ ୧୫ ଲକ୍ଷରୁ ଆରମ୍ଭ ହେଉଥିବା ବେଳେ CURVV ICE ଦାମ୍ ୧୨ ଲକ୍ଷରୁ ଆରମ୍ଭ ହେବ। ଭାରତରେ କ୍ୟାପ୍ ଷ୍ଟାଇଲ୍ SUV ସେଗମେଣ୍ଟରେ CURVV ଏକ ନୂଆ ଏଣ୍ଟ୍ରି ହୋଇଛି। ଏହାର ଷ୍ଟାଇଲିସ୍ ଡିଜାଇନ୍, ଲାଟେଷ୍ଟ ଫିଚର ଗ୍ରାହକଙ୍କୁ ଆକର୍ଷିତ କରିବ।
