ଅନୁଗୁଳ: ଆସନ୍ତାକାଲି ଅର୍ଥାତ ସୋମବାର ଠାରୁ ରାଜ୍ୟରେ ପ୍ରାଇମେରୀ ସ୍କୁଲ (୧ମରୁ ୫ମ) ଖୋଲିବା ନେଇ ଘୋଷଣା କରାଯାଇଥିଲା । ହେଲେ କରୋନା ସଂକ୍ରମଣକୁ ଦୃଷ୍ଟିରେ ରଖି ଏହି ନିଷ୍ପତିକୁ ସରକାର ସ୍ଥଗିତ ରଖିଛନ୍ତି । ଫଳରେ ୩ ତାରିଖରୁ ଆଉ ସ୍କୁଲ ଖୋଲିବନାହିଁ । ଏନେ ଗଣଶିକ୍ଷା ମନ୍ତ୍ରୀ ସମୀର ରଂଜନ ମହାନ୍ତି କହିଛନ୍ତି, ଆମର ନୋଡାଲ ଅଫିସର ମାନେ ରାଜ୍ୟର ସବୁ ଜିଲ୍ଲା ବୁଲୁଥିଲେ । ଏହି ସମୟରେ ସେମାନେ ପ୍ରଶାସନ ଓ ଅଭିଭାବକଙ୍କ ସହ ଆଲୋଚନା କରିଥିଲେ । ତେବେ କରୋନାର ସ୍ଥିତିକୁ ଦେଖି ସେମାନେ ରିପୋର୍ଟ ଦେଇଥିଲେ । ସେମାନଙ୍କ ରିପୋର୍ଟ ଓ ବିଶେଷଜ୍ଞଙ୍କ ମତ ଏବଂ ପିଲାମାନଙ୍କ ସ୍ୱାର୍ଥକୁ ଦୃଷ୍ଟିରେ ରଖି ସ୍କୁଲ ଖୋଲିବା ନିଷ୍ପତିକୁ ସ୍ଥଗିତ ରଖାଯାଇଛି । ହେଲେ ଅନଲାଇନ ପାଠପଢା ଜାରି ରହିବ ।
