ଅନୁଗୁଳ : ଅନୁଗୁଳ ଜିଲ୍ଲା ବନ୍ତଳା ଥାନା ବସଲା ପଞ୍ଚାୟତ କାର୍ଯ୍ୟାଳୟରେ ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଛି। କାର୍ଯ୍ୟାଳୟରୁ କୋଡ଼ି, ଶାବଳ ଓ ସିମେଣ୍ଟ ଚୋରି ହୋଇଥିବା ବସଲା ସରପଞ୍ଚ ଚନ୍ଦନ କୁମାର ସାହୁ ବନ୍ତଳା ଥାନାରେ ଲିଖିତ ଅଭିଯୋଗ କରିଛନ୍ତି।
ଅଭିଯୋଗ ମୁତାବକ, ମୁଖ୍ୟ ଫାଟକରେ ଲାଗିଥିବା ତାଲାକୁ ଅଶୋକ ପାତ୍ର ନାମକ ଜଣେ ଯୁବକ ଭାଙ୍ଗି ଅଫିସରେ ପଶି କୋଡ଼ି, ଶାବଳ ଓ ସିମେଣ୍ଟ ଚୋରି କରି ନେଇଛନ୍ତି। ଏହା ପୂର୍ବରୁ ମଧ୍ୟ ଛୁଟି ଦିନରେ ଅନେକ ସାମଗ୍ରୀ ଚୋରି ହୋଇଛି। ଦୋଷୀକୁ କଠୋରରୁ କଠୋର ଦଣ୍ଡ ଦେବା ନିମନ୍ତେ ବସଲା ସରପଞ୍ଚ ବନ୍ତଳା ଥାନା ଅଧିକାରୀଙ୍କୁ ଅଭିଯୋଗ କରିଛନ୍ତି।
