ଅନୁଗୁଳ: ସ୍ଥାନୀୟ ତାଳଚେର ନିକଟସ୍ଥ ହେଁସମୂଳରେ ଏଫସିଆଇର ଲୁହା ପାଇପ ଚୋରି କରିଥିବା ୨ ଜଣଙ୍କୁ ଗିରଫ କରିଛି ପୋଲିସ। ସେମାନେ ହେଲେ ସାଉଥ ବଲଣ୍ଡାର ବ୍ରଜ କିଶୋର ଦାସ ଓ ତାଙ୍କର ଜଣେ ସହଯୋଗୀ।
ସୂଚନା ମୁତାବକ, ବ୍ରଜ ଓ ତାଙ୍କ ସହଯୋଗୀ ଗ୍ୟାସ ସିଲିଣ୍ଡର, କଟର ମେସିନ ସାହାଯ୍ୟରେ ପାଇପ ଚୋରି କରି ଗାଡ଼ିରେ ନେଇଯାଇଥିଲେ। ଏ ନେଇ ଅଭିଯୋଗ ହେବା ପରେ ପୋଲିସ ଛାନଭିନ କରି ଚୋରି ପାଇପ୍ ଜବତ କରିଛି। ତେଲିସାହି ନିକଟସ୍ଥ ଦେଉଳବେଢ଼ାରୁ ପୋଲିସ ଗ୍ୟାସ କଟର ମେସିନ, ଗ୍ୟାସ ସିଲିଣ୍ଡର ଓ ଚୋରି ପାଇପ ଉଦ୍ଧାର କରିଛି। ଏଥିସହ ପାଇପ ଚୋରି କରିଥିବା ଗାଡ଼ିକୁ ମଧ୍ୟ ଜବତ କରି ୨ ଅଭିଯୁକ୍ତଙ୍କୁ ଗିରଫ କରିଥିବା ନେଇ ସୂଚନା ଦେଇଛନ୍ତି ପୋଲିସ ଅଧିକାରୀ ସଞ୍ଜୟ ନାୟକ।
