ଅନୁଗୁଳ: ଅନୁଗୁଳ ସଦର ଥାନା ଅନ୍ତର୍ଗତ ପୁରୁଣା ଜରସିଂହା ଗାଁରେ ରବିବାର ଗ୍ରାମବାସୀମାନେ ଚୋରା ମଦ ବେପାରୀ ରମେଶ ନାଏକ (୨୫) ଓ ବିପୁଳ ପରିମାଣରେ ବିଦେଶୀ ମଦ ଅଟକ ରଖିଥିଲେ। ପୋଲିସକୁ ଖବର ଦେଇଥିଲେ ହେଁ ବିଳମ୍ବରେ ପୋଲିସ ପହଞ୍ଚିବା କାରଣରୁ ଉତ୍ୟକ୍ତ ମହିଳାମାନେ ଗାଁ ଦାଣ୍ଡରେ ପେଟିପେଟି ମଦ ଭାଙ୍ଗି ଦେଇଥିଲେ। ଗ୍ରାମ୍ୟ କମିଟିର ନିୟମ ଅନୁଯାୟୀ, ଗାଁରେ ଚୋରା ମଦ ବିକ୍ରି ଓ ମଦ୍ୟପାନ ଜନିତ ବିଶୃଙ୍ଖଳା ଉପରେ କଡ଼ା ରୋକ ଲଗାଯାଇଛି। ପୋଲିସ ଘଟଣାସ୍ଥଳରେ ପହଞ୍ଚି ରମେଶଙ୍କୁ ସହ ସ୍କୁଟି ଜବତ କରିଥିବା ଜଣାପଡ଼ିଛି।