ଅନୁଗୁଳ: ସ୍ଥାନୀୟ ରନ୍ତଲେଇ ସ୍ମାଇଲ ଗ୍ରୁପ ତରଫରୁ ଇଂରାଜୀ ନବବର୍ଷ ଅବସରରେ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ ଥିବା ରାଜ୍ୟ ରକ୍ତ ଭଣ୍ଡାରରେ ସ୍ଵେଚ୍ଛାକୃତ ରକ୍ତଦାନ ଶିବିର ଆୟୋଜିତ ହୋଇଛି। ଏଥିରେ ୬୧ ଜଣ ସ୍ଵେଚ୍ଛାକୃତ ଭାବେ ରକ୍ତ ଦାନ କରିଥିଲେ।
ସ୍ଵେଚ୍ଛାସେବୀ ଚନ୍ଦ୍ରକାନ୍ତ ବେହେରାଙ୍କ ତତ୍ତ୍ଵାବଧାନରେ ଆୟୋଜିତ ଶିବିରରେ ଏଡିଏମଓ ଡାକ୍ତର ମାନସ ରଞ୍ଜନ ବିଶ୍ଵାଳ, ୨୭ ନମ୍ବର ଜିଲ୍ଲାପରିଷଦ ସଦସ୍ୟ ଗୋପାଳ ଚନ୍ଦ୍ର ନାଏକ, ବରିଷ୍ଠ ବିଜେଡି ନେତା ଶକ୍ତି ପ୍ରସାଦ ପଟ୍ଟନାୟକ ଯୋଗ ଦେଇଥିଲେ। ଅନ୍ୟମାନଙ୍କ ମଧ୍ୟରେ ସ୍ଵେଚ୍ଛାସେବୀ ପର୍ଶୁରାମ ଦାସ, ଦୀପକ ଟିଦୃୱାଲ, ଅଭୟ ରାୟ, ସୁବୋଧ ମିଶ୍ର, ମହେଶ ଭୋମରାଜ, ଆଶିଷ ସାହୁ, ରଞ୍ଜନ କୁମାର ମଲ୍ଲିକ, ରାକେଶ ପରିଡା, ପ୍ରଭାସ ସାହୁ, ଡାକ୍ତର ବିଶ୍ଵଜିତ ସାମଲ, ଡାକ୍ତର ସତ୍ୟବ୍ରତ ପାଟ୍ଟଯୋଶୀ ପ୍ରମୁଖ ଯୋଗ ଦେଇଥିଲେ। ପାଟ୍ଟଯୋଶୀ ଯୋଗ ଦେଇ ରକ୍ତ ଦାତାଙ୍କୁ ଉତ୍ସାହିତ କରିଥିଲେ।
