ଅନୁଗୁଳ: କରୋନା ସଂକ୍ରମଣ ବୃଦ୍ଧିକୁ ଦେଖି ଅନୁଗୁଳ ସହର ସମେତ ତାଳଚେର ଓ ବଇଣ୍ଡା ଅଞ୍ଚଳକୁ ସଟଡାଉନ ଘୋଷଣା କରାଯାଇଛି। ଏହି ସଟଡାଉନ ପାଇଁ ସାରା ବଜାର ଶୂନଶାନ ହୋଇ ଯାଇଥିଲା। ଆଜି ସକାଳୁ ଅନୁଗୁଳ ସହରରେ କେବଳ ଔଷଧ ଓ କ୍ଷୀର ଦୋକାନ ଖୋଲା ରହିଥିଲା। ଅନ୍ୟ ସମସ୍ତ ଦୋକାନ ବନ୍ଦ ରହିଥିଲା। ତେବେ ସହର ତଳି ଅଞ୍ଚଳରେ କିଛି କିଛି ରାସନ ଦୋକାନ ଖୋଲିଥିଲା | କେତେକ ସ୍ଥାନରେ ମାଂସ ଦୋକାନ ଖୋଲା ହୋଇ ବିକ୍ରି ଚାଲିଥିଲା। ଲୋକମାନେ ମଧ୍ୟ ଏଠାରୁ କିଣାକିଣି କରିବାକୁ ଗହଳି ଲଗାଇଥିଲେ । ତେବେ ମୁଖ୍ୟ ବଜାର ବନ୍ଦ ରହିଥିଲା । ସମସ୍ତ ଦୋକାନ ବନ୍ଦ ରହିଥିଲାବେଳେ ବଜାର ଖାଁ ଖାଁ ଲାଗୁଥିଲା। ସହରରେ ଗାଡ଼ି ଚଳାଚଳ କରୁଥିଲାବେଳେ ଭିଡ ଅପେକ୍ଷାକୃତ କମ୍ ରହିଥିଲା।