ତାଳଚେର: ଓଡ଼ିଶା ପ୍ରଦେଶ କଂଗ୍ରେସ କମିଟି ପକ୍ଷରୁ ଘୋଷିତ କଂଗ୍ରେସର ଗ୍ୟାରେଣ୍ଟି ଓ ସଂକଳ୍ପ ପତ୍ରରେ ଓଡ଼ିଶାର ସାଢେ ଚାରିକୋଟି ଜନସାଧାରଣଙ୍କର ଆଶା ଓ ଆକାଂକ୍ଷା ପ୍ରତିଫଳିତ ହୋଇଛି ବୋଲି ତାଳଚେର ନଗର କଂଗ୍ରେସ ପକ୍ଷରୁ ରାଜ୍ୟ ନେତୃବୃନ୍ଦଙ୍କୁ କୃତଜ୍ଞତା ଜ୍ଞାପନ କରାଯାଇଛି। ତାଳଚେର କଂଗ୍ରେସ କମିଟି ସଭାପତି ସତୀଶ୍ ବେହେରା ( ସନ୍ତୋଷ) ଓ ଅନୁଗୁଳ ଜିଲ୍ଲା କଂଗ୍ରେସ ସମ୍ପାଦକ ପ୍ରଦୀପ ମହାରଣାଙ୍କ ପକ୍ଷରୁ ରବିବାର ସକାଳେ ଡକାଯାଇଥିବା ‘ଋ ଆସର’ରେ ଯୋଗଦେଇ ଦେବୀ ପ୍ରସାଦ ପୃଷ୍ଟି କଂଗ୍ରେସ କର୍ମୀ, ନେତା ଓ ପଦାଧିକାରୀମାନେ କଂଗ୍ରେସର ଗ୍ୟାରେଣ୍ଟି ଓ ସଂକଳ୍ପ ପତ୍ରକୁ ଘରେ ଘରେ ପହଞ୍ଚାଇବାକୁ ଆହ୍ବାନ ଦେଇଥିଲେ। ଏ ବାର୍ତ୍ତାକୁ ପ୍ରଚାର ଓ ପ୍ରସାର କରିବା ପାଇଁ ତାଳଚେରର ବୁଦ୍ଧିଜୀବୀମାନେ, ଯୁବ ଛାତ୍ରଛାତ୍ରୀ ଭାଇ ଭଉଣୀମାନେ ଓ ସ୍ଵାଭିମାନୀ ଜନତା ସହଯୋଗର ହାତ ବଢାଇବାକୁ ସେ ନିବେଦନ କରିଥିଲେ। ଏହି ମର୍ମରେ ତାଳଚେର କଂଗ୍ରେସ ପକ୍ଷରୁ ପ୍ରକାଶିତ ପ୍ରାଚୀର ପତ୍ର (ପୋଷ୍ଟର)କୁ ଜିଲ୍ଲା ସମ୍ପାଦକ ପ୍ରଦୀପ ମହାରଣା ନେତୃବୃନ୍ଦଙ୍କୁ ହସ୍ତାନ୍ତର କରିଥିଲେ। ର ଆସରରେ ଦେବାଶିଷ ଘୋଷ, ଜିଲ୍ଲା ଉପସଭାପତି ହରେକୃଷ୍ଣ ମହାପାତ୍ର, କୃଷକ କଂଗ୍ରେସର ସନ୍ତୋଷ ମହାରଣା, ସେବା ଦଳର ସଂଜୀବ ନାୟକ, କେଶବ ଭୂତିଆ, ଅନ୍ତର୍ଯ୍ୟାମୀ ପ୍ରଧାନ, ରାଜକିଶୋର ସାହୁ, ପ୍ରଫେସର ଅଜୟ ପରିଡ଼ା ଓ ଶରତ ଭୂୟାଁ ପ୍ରମୁଖ ଉପସ୍ଥିତ ଥିଲେ।
