ତାଳଚେର: ତାଳଚେର ବ୍ଲକ ଧରମପୁର ପଞ୍ଚାୟତରେ ନାରୀ ସୁରକ୍ଷା ପରିଷଦ ପକ୍ଷରୁ ଗାଁର ମହିଳା ସଂଗଠନଙ୍କୁ ନେଇ ମହିଳା ଦିବସ ପାଳିତ ହୋଇଛି। ଏ ଅବସରରେ ମହିଳାଙ୍କ ସମ୍ମାନ ସୁରକ୍ଷା ଓ କିଭଳି ସ୍ୱାବଲମ୍ବୀ ହୋଇପାରିବେ ସେ ନେଇ ଆଲୋଚନା କରୁଥିଲେ।
କାର୍ଯ୍ୟକ୍ରମରେ ସଭାପତି ଭାବେ ସରପଞ୍ଚ ପାଟରାଣୀ ଭୂତିଆ ଓ ଗ୍ରାମ ସଭାପତି ଶ୍ରୀବତ୍ସ ମହାପାତ୍ର ଯୋଗ ଦେଇଥିଲେ। ମୁଖ୍ୟବକ୍ତା ଭାବେ ମହିଳା କଲେଜର ପୂର୍ବତନ ଅଧ୍ୟକ୍ଷା ସୋଭାଗିନୀ ଦେବୀ ଯୋଗଦେଇ ନାରୀମାନଙ୍କର ଶିକ୍ଷା, ନିଯୁକ୍ତି କିଭଳି ଉନ୍ନତି ହୋଇ ପାରିବ ସେ ବିଷୟରେ ନାରୀଙ୍କୁ ଉପଦେଶ ଦେଇଥିଲେ। ଏ ନେଇ ଉତ୍ତମ କାର୍ଯ୍ୟ କରିଥିବା ନାରୀମାନଙ୍କୁ ପୁରସ୍କୃତ କରାଯାଇଥିଲା।
ଅନ୍ୟମାନଙ୍କ ମଧ୍ୟରେ ନାରୀ ସୁରକ୍ଷା ପରିଷଦର ସଭାନେତ୍ରୀ ସବିତା ସିଂ, ସଂକୀର୍ତ୍ତନ ମଣ୍ଡଳୀର ସଭାନେତ୍ରୀ କୁନ୍ତଳା ମହାପାତ୍ର ଯୋଗ ଦେଇଥିଲେ।
