ଅନୁଗୁଳ: ବିଭିନ୍ନ ଜବାହାର ନବୋଦୟ ବିଦ୍ୟାଳୟ ଓ କେନ୍ଦ୍ରୀୟ ବିଦ୍ୟାଳୟ (କେଭି)ରେ ଏଣିକି ଦିବ୍ୟାଙ୍ଗଙ୍କ ପାଇଁ ୩% ସ୍ଥାନ ସଂରକ୍ଷଣ ରହିବ। ସୋମବାର ଲୋକସଭାରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହି ସୂଚନା ଦେଇଛନ୍ତି। ଶ୍ରୀ ପ୍ରଧାନ କହିଛନ୍ତି, ସବୁ କେନ୍ଦ୍ରୀୟ ବିଦ୍ୟାଳୟ ଓ ନବୋଦୟ ବିଦ୍ୟାଳୟରେ ନୂଆ ନାମଲେଖାରେ ଦିବ୍ୟାଙ୍ଗ ଛାତ୍ରଛାତ୍ରୀଙ୍କ ପାଇଁ ୩% ସିଟ୍ ରହିବ। ବିଦ୍ୟାଳୟରେ ଏହି ଛାତ୍ରଛାତ୍ରୀଙ୍କ ପାଇଁ ଶିକ୍ଷା ଗ୍ରହଣରେ ସୁବିଧା ଦିଆଯିବ । ଏହି ପିଲାଙ୍କ ପାଇଁ ସବୁଠି ବ୍ୟାରିଅର ଫ୍ରି ସୁବିଧା କରାଯାଇଛି। ପିଲାମାନେ ଯିବା ପାଇଁ ରମ୍ପ୍ ବ୍ୟବସ୍ଥା କରାଯିବା ସହ ସ୍କୁଲରେ ସ୍ଵତନ୍ତ୍ର ଶୌଚାଳୟ ବ୍ୟବସ୍ଥା କରାଯାଇଛି। ଏହା ସହ ଶିକ୍ଷାଗ୍ରହଣ ପାଇଁ ସ୍ଵତନ୍ତ୍ର ଶିକ୍ଷକଙ୍କୁ ମଧ୍ୟ ନିଯୁକ୍ତି ଦିଆଯାଇଛି।