ଅନୁଗୁଳ: ବଅଁରପାଳ ବ୍ଲକର ବିଭିନ୍ନ ସ୍କୁଲର ୫ ଜଣ ଶିକ୍ଷକ ଶିକ୍ଷୟିତ୍ରୀ ଅବସର ଗ୍ରହଣ କରିଛନ୍ତି। ସ୍ଥାନୀୟ ବଡ ପାଟଣା ଉପ୍ରା ବିଦ୍ୟାଳୟ, ଲଙ୍ଗୁଳିଆବେଡା ପ୍ରାଥମିକ ବିଦ୍ୟାଳୟ, କୁମଣ୍ଡ ଉପ୍ରା ବିଦ୍ୟାଳୟ, କୁଶାଶିଙ୍ଗା ଉପ୍ରା ବିଦ୍ୟାଳୟ ଓ କାଣ୍ଡସର ସରକାରୀ ଉପ୍ରା ବିଦ୍ୟାଳୟର ୫ ଜଣ ପ୍ରଧାନ ଶିକ୍ଷକ ଓ ଶିକ୍ଷୟିତ୍ରୀ ସୋମବାର ଅବସର ନେଇଛନ୍ତି।
ଗତ ଶନିବାର ବଅଁରପାଳ ବ୍ଲକ ସୌଜନ୍ୟରୁ ବିଦାୟୀ ପ୍ରଧାନ ଶିକ୍ଷକ ପ୍ରତାପ କୁମାର ସାମଲ, ରାଧେ ଶ୍ୟାମ ବେହେରା, କାମିନୀ ବିଶୋଇ, ଶାନ୍ତିଲତା ମିଶ୍ର ଓ ପ୍ରଭାତୀ ଆଚାର୍ଯ୍ୟଙ୍କୁ ଉତ୍ତରୀୟ, ପୁଷ୍ପଗୁଚ୍ଛ ଓ ସମସ୍ତ କାଗଜ ପତ୍ର ପ୍ରଦାନ କରାଯାଇଥିଲା। ଏ ଅବସରରେ ବଅଁରପାଳ ବ୍ଲକ ଶିକ୍ଷା ଅଧିକାରୀ ଦେବାନନ୍ଦ ଖୁଣ୍ଟିଆ, ଅତିରିକ୍ତ ଶିକ୍ଷା ଅଧିକାରୀ ଜିତେନ୍ଦ୍ର କୁମାର ମିଶ୍ର, ସୁଷମା ପଟ୍ଟନାୟକ, ଧରଣୀ ଧର ବାରିକ, ବିନୟ କୁମାର ଶତପଥୀ, ତପନ ନନ୍ଦ ପ୍ରମୁଖ ବିଦାୟୀ କାଳୀନ ସଭାରେ ଉପସ୍ଥିତ ରହିଥିଲେ।
