ଆଠମଲ୍ଲିକ: ଅନୁଗୁଳ ଜିଲ୍ଲା ଠାକୁରଗଡ଼ ଥାନା ଅଞ୍ଚଳରେ ଜଣେ ନାବାଳିକାଙ୍କୁ ଜଣେ ନାବାଳକ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ନାବାଳିକାଙ୍କ ପରିବାର ପକ୍ଷରୁ ଏ ନେଇ ଠାକୁରଗଡ଼ ଥାନାରେ ଅଭିଯୋଗ
ହୋଇଛି।
ସୂଚନା ଯେ, ନାବାଳିକା ଜଣକ ତାଙ୍କ ମାମୁ ଘରେ ରହି ପାଠ ପଢୁଛନ୍ତି। ରବିବାର ଛୁଟି ଥିବାରୁ ସେ ଏକୁଟିଆ ଘରେ ଥିଲେ । ସେହି ଗ୍ରାମର ୧୪ ବର୍ଷର ଜଣେ ନାବାଳକ ଏକୁଟିଆ ପାଇ ବଳପୂର୍ବକ ଶାରୀରିକ ସମ୍ପର୍କ ରଖିଥିଲା। ମାମୁଘର ଲୋକ ଏ ସମ୍ପର୍କରେ ଜାଣିବା ପରେ ସୋମବାର ପୋଲିସରେ ଅଭିଯୋଗ କରିଥିଲେ। ପୋଲିସ ‘ପୋକ୍ସୋ’ ଆକ୍ଟରେ ଏକ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରିଛି । ଘଟଣାର ଅଧିକ ଅନୁସନ୍ଧାନ ଜାରି ରହିଛି ବୋଲି ଠାକୁରଗଡ଼ ଥାନା ଅଧିକାରୀ ପୀତାମ୍ବର ମଲ୍ଲିକ କହିଛନ୍ତି।
