ଅନୁଗୁଳ: ସ୍ଥାନୀୟ ମା ବାସନ୍ତୀ ଦୁର୍ଗାପୂଜା ପଡିଆରେ ଢେ଼ଙ୍କାନାଳ ଡିଭିଜନ ଅନ୍ତର୍ଗତ ଅବସରପ୍ରାପ୍ତ ଡାକ କର୍ମଚାରୀଙ୍କ ବାର୍ଷିକ ସମାବେଶ ଅନୁଷ୍ଠିତ ହୋଇଯାଇଅଛି।ଅବସରପ୍ରାପ୍ତ ଡାକ ବିଭାଗ ନିର୍ଦ୍ଦେଶକ ଆଦିତ୍ୟ ପ୍ରସାଦ ନାୟକ ମୁଖ୍ୟ ଅତିଥି ରୁପେ ସମାବେଶକୁ ଉଦ୍ଘାଟନ କରିଥିଲେ।ସରୋଜ କୁମାର ମହାପାତ୍ରଙ୍କ ପୌରହିତ୍ୟରେ ଆୟୋଜିତ ଏହି ସମାବେଶରେ ସମ୍ମାନିତ ଅତିଥି ରୂପେ ବିଜୟ କୁମାର ଦାସ,ରଘୁନାଥ ଦାସ,ଅନ୍ନଦା ଶଙ୍କର ପତି,ବିଶ୍ବମ୍ବର ସାହୁ ଓ ବଟ କୃଷ୍ଣ ନାୟକ ଯୋଗ ଦେଇଥିଲେ। ସମାବେଶରେ ଡାକ ବିଭାଗରେ ଲାଗୁ ହେଉଥିବା ନୂତନ ଯୋଜନା,ହିତାଧିକାରୀଙ୍କ ଉପରେ ଏହାର ପ୍ରଭାବ,ଅବସରପ୍ରାପ୍ତ କର୍ମଚାରୀଙ୍କ ସମସ୍ୟା ଓ ଏହାର ସମାଧାନ ଉପରେ ଆଲୋଚନା ହୋଇଥିଲା।ବର୍ଷ ମଧ୍ୟରେ ଦୁଇ ଜଣ କର୍ମଚାରୀଙ୍କ ଦେହାନ୍ତ ହୋଇଥିବାରୁ ବୈଠକରେ ଏକ ମିନିଟ ନୀରବ ପ୍ରାର୍ଥନା
କରାଯାଇଥିଲା।ଶେଷରେ କର୍ମଚାରୀଙ୍କ ମଧ୍ୟରେ କ୍ୱିଜ୍,ସଙ୍ଗୀତ ଆଦି ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ଶତୃଘ୍ନ ନାଥ,ବିମଳ କୁମାର ରଥ,ତ୍ରିଲୋଚନ ସାହୁ,ପ୍ରେମାନନ୍ଦ ପାଲ ଆଦି କାର୍ଯ୍ୟକ୍ରମ ପରିଚାଳନା କରିଥିଲେ।
