ଅନୁଗୁଳ: ଅନୁଗୁଳ ସହରରେ ମାତିଛନ୍ତି ବାଇକ୍ ଚୋର । ବାଇକ ଉପରୁ ସାମାନ୍ୟ ନିଜର ହଟିଲେ ହୋଇଯିବ ଗାଏବ୍। ଅନୁଗୁଳ ବିଜୁ ମଇଦାନ ସାମ୍ନାରୁ ଶନିବାର ସନ୍ଧ୍ୟାରେ ଏକ ବାଇକ୍ ଚୋରି ହୋଇଛି । ବାଇକ୍ ମାଲିକ ସୁବ୍ରତ କୁମାର ନାଏକ ଏନେଇ ଥାନାରେ ଅଭିଯୋଗ କରିଛନ୍ତି । ସୂଚନା ମୁତାବକ, ସୁବ୍ରତଙ୍କ ଘର ଛେଣ୍ଡିପଦା ବ୍ଳକ ବ୍ରାହ୍ମଣବିଲ ଗ୍ରାମରେ। ସେ ଶନିବାର ଅପରାହ୍ନରେ ଅନୁଗୁଳ ସହରକୁ ଆସିଥିବା ବେଳେ ସନ୍ଧ୍ୟାରେ ବିଜୁ ମଇଦାନରେ ପଡ଼ିଥିବା ହ୍ୟାଣ୍ଡଲୁମ୍ ଫାବ୍ ବୁଲିବାକୁ ଯାଇଥିଲେ ।ବାଇକ୍ ମଇଦାନ ସାମ୍ନାରେ ତାଲା ପକାଇ ମେଳା ବୁଲିଥିଲେ । ହେଲେ କିଛି ସମୟ ପରେ ଆସି ଦେଖିଲା ବେଳକୁ ବାଇକ୍ ଗାଏବ । ଖୋଜାଖୋଜି କରି ନିରାଶ ହେବା ପରେ ସୁବ୍ରତ ଏନେଇ ଅନୁଗୁଳ ଥାନାରେ ଲିଖିତ ଅଭିଯୋଗ କରିଛନ୍ତି । ପୁଲିସ୍ ଏ ସଂକ୍ରାନ୍ତରେ ମାମଲା ରୁଜୁ କରି ଛାନ୍ଭିନ୍ ଆରମ୍ଭ କରିଛି । ଏହି ବାଇକ୍ ଚୋରି ପରେ ବିଜୁ ମଇଦାନ ସାମ୍ନାରୁ ଆଉ ଏକ ବାଇକ୍ ମଧ୍ୟ ଚୋରି ହୋଇଥିବା ଜଣାପଡ଼ିଛି । ହେଲେ ଏନେଇ ଥାନାରେ ଅଭିଯୋଗ ହୋଇନାହିଁ ।
