ବଇଣ୍ଡା: ଅନୁଗୁଳ ଜିଲ୍ଲା କିଶୋରନଗର ବ୍ଲକ ହଣ୍ଡପା ଥାନା ଅଧୀନ ଘନପୁର ଗ୍ରାମର ଦେବେନ୍ଦ୍ର ସାହୁଙ୍କ ଘରୁ ବୁଧବାର ଏକ ନାଗ ସାପ ଉଦ୍ଧାର କରାଯାଇଛି। ବାହାର ଅଞ୍ଚଳରୁ ଏକ ନାଗ ସାପ ଦେବେନ୍ଦ୍ରଙ୍କ ଘର ଭିତରେ ପଶିଥିଲା ଓ ମାଟିଘର ନିକଟରେ ଥିବା ଏକ କଣାରେ ଲୁଚି ଯାଇଥିଲା। ଭୟଭୀତ ହୋଇ ଦେବେନ୍ଦ୍ର ସାପ ଉଦ୍ଧାରକାରୀ ସିଦ୍ଧେଶ୍ୱର ରଥଙ୍କୁ ଖବର ଦେଇଥିଲେ। ସିଦ୍ଧେଶ୍ୱର ଘଟଣାସ୍ଥଳରେ ପହଞ୍ଚି ସାପଟିକୁ ସୁରକ୍ଷିତ ଉଦ୍ଧାର କରି ନିକଟସ୍ଥ ଜଙ୍ଗଲରେ ଛାଡ଼ିଥିଲେ।