ବାଇକକୁ ଧକ୍କା ଦେଇ ଚାଳକଙ୍କ ଉପରେ ଚଢ଼ିଗଲା କଣ୍ଟେନର, ଅନୁଗୁଳ ସ୍ଥାନାନ୍ତର

You are currently viewing ବାଇକକୁ ଧକ୍କା ଦେଇ ଚାଳକଙ୍କ ଉପରେ ଚଢ଼ିଗଲା କଣ୍ଟେନର, ଅନୁଗୁଳ ସ୍ଥାନାନ୍ତର

ଅନୁଗୁଳ: ଅନୁଗୁଳ ଜିଲ୍ଲା ପାଳଲହଡ଼ା କଲେଜ ସମ୍ମୁଖରେ କଣ୍ଟେନର ଟ୍ରକ ଧକ୍କାରେ ଜଣେ ବାଇକ ଚାଳକ ଗୁରୁତର ହୋଇଛନ୍ତି। ସୂଚନା ଅନୁସାରେ, ମାଲ୍ୟଗିରି କଲେଜ ଅଧ୍ୟାପକ ଭାସ୍କର ଚନ୍ଦ୍ର ସାହୁ କଲେଜ କାମ ସାରି ବାଇକ୍ ଯୋଗେ ଘରକୁ ଯାଉଥିବା ବେଳେ ୪୯ ନମ୍ବର ଜାତୀୟ ରାଜପଥରେ ଏକ କଣ୍ଟେନର ଟ୍ରକ ଦ୍ରୁତ ବେଗରେ ଆସି ତାଙ୍କ ବାଇକକୁ ଧକ୍କା ଦେଇଥିଲା। ସେ ତଳକୁ ପଡ଼ିଯିବା ପରେ ଟ୍ରକ ତାଙ୍କ ଉପରେ ଚଢ଼ି ଯାଇଥିଲା।

ଗୁରୁତର ଅବସ୍ଥାରେ ତାଙ୍କୁ ପାଳଲହଡ଼ା ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ଅଧ୍ୟାପକଙ୍କ ଅବସ୍ଥା ସଙ୍କଟାପନ୍ନ ହେବାରୁ ଡାକ୍ତର ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରିଥିବା ଜଣାପଡ଼ିଛି। ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ଦେଖାଦେଇଥିବା ବେଳେ ଖବର ପାଇ ପୋଲିସ୍ ପହଞ୍ଚି ଲୋକଙ୍କୁ ବୁଝାସୁଝା କରିଛି। ପୋଲିସ କଣ୍ଟେନରକୁ ଜବତ ରଖି ତଦନ୍ତ ଆରମ୍ଭ କରିଛି।

Share

Leave a Reply