ଛେଣ୍ଡିପଦା: ଅନୁଗୁଳ ଜିଲ୍ଲା ଛେଣ୍ତିପଦା ଥାନା ମଝିବଜାର ପୋଲ ଉପରେ ଏକ କୋଇଲା ବୋଝେଇ ଟ୍ରକ ଧକ୍କାରେ ଜଣେ ସାଇକେଲ ଆରୋହୀ ଗୁରୁତର ଆହାତ ହୋଇଛନ୍ତି। ଗୁରୁତର ସାଇକେଲ ଆରୋହୀ ଜଣଙ୍କ ହେଲେ ଛେଣ୍ତିପଦା ଥାନା ଧୁଡାମାଳ ସାହିର ପବନା ଘୋଷ।
ସୁଚନା ଯେ, ପବନା ଘୋଷ ଏକ ସାଇକେରେ ଅନୁଗୁଳରୁ ଛେଣ୍ଡିପଦା ଆସିଥିବା ୬୩ନଂ ରାଜ୍ୟରାଜପଥରେ ଛେଣ୍ତିପଦା ଥାନା ଛକ ଆଡକୁ ଆସୁଥିବା ବେଳେ ମଝି ବଜାର ପୋଲ ଉପରେ ଏକ କୋଇଲା ବୋଝେଇ ଟ୍ରକ ପବନା ଘୋଷଙ୍କ ସାଇକେଲକୁ ପଛରୁ ଧକ୍କା ଦେଇଥିଲା। ଫଳରେ ସେ ଗୁରୁତର ଆହତ ହୋଇ ରାସ୍ତା ଉପରେ ପଡିଯାଇଥିଲେ। ଏହା ଦେଖି ପାଖରେ ଥିବା ଲୋକେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଛେଣ୍ତିପଦା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି ଥିଲେ। ଦୁର୍ଘଟଣାରେ ପବନାଙ୍କ ବାମ ହାତରେ ଗଭିର କ୍ଷତ ହେବା ସହିତ ଅବସ୍ଥା ଗୁରୁତର ଥିବାରୁ ଡାକ୍ତର ତାଙ୍କୁ ଆନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଦେଇଥିଲେ। ଅନ୍ୟପଟେ ଟ୍ରକଟି ଧକ୍କା ଦେଇ ଫେରାର ହୋଇଯାଉଥିବା ବେଳେ ସ୍ଥାନିୟ ଲୋକମାନେ ପିଛା କରି ଟ୍ରକକୁ ଅଟକାଇବା ସହିତ ଚାଳକ ଓ ଖଲାସିକୁ ନିର୍ଧୁମ ଛେଚିବ ପରେ ଛେଣ୍ତିପଦା ଥାନାର ଜିମା ଦେଇଛନ୍ତି।
ଏନେଇ ପବନାଙ୍କ ପରିବାର ଲୋକେ ଛେଣ୍ତିପଦା ଥାନରେ ଲିଖିତ ଅଭିଯୋଗ କରିଛନ୍ତି। ପୋଲିସ ଉକ୍ତ ଅଭିଯୋଗକୁ ଭିତ୍ତି କରି ଟ୍ରକକୁ ଜବତ କରିବା ସହିତ ଚାଳକ ଓ ଖଲାସିକୁ ଅଟକ ରଖି ଘଟଣାର ତଦନ୍ତ ଚଳାଇଛି।
