ଛେଣ୍ଡିପଦା: ଅନୁଗୁଳ ଜିଲ୍ଲା ଫୁଲଝରି ଠାରୁ ଛେଣ୍ଡିପଦା ପର୍ଯ୍ୟନ୍ତ ନୂତନ ଏଗାର କେଭି ବିଦ୍ୟୁତ ଲାଇନ କାର୍ଯ୍ୟ ନିମନ୍ତେ ରାସ୍ତା କଡ଼ରେ ରଖାଯାଇଥିବା ବିଦ୍ୟୁତ ଖୁଣ୍ଟଗୁଡିକ ମଧ୍ୟରୁ କିଛି ଚୋରି ହୋଇଯାଇଛି। ଏ ନେଇ ଠିକାଦାର ଗୌତମ ମାଝୀ ଛେଣ୍ଡିପଦା ଥାନାରେ ଲିଖିତ ଅଭିଯୋଗ କରିଛନ୍ତି।
ସିଂଘ୍ରାଣୀ କୋଇଲା ପ୍ରକଳ୍ପ ନିମନ୍ତେ ନୂତନ ବିଦ୍ୟୁତ ଲାଇନ କାମ ଚାଲୁ ଥିବାରୁ ଠିକାଦାର ୬୩ ନମ୍ବର ରାଜ୍ୟ ରାଜପଥ ଜଙ୍ଗଲ ରାସ୍ତା ପାର୍ଶ୍ଵରେ ଏଗାର ମିଟର ଲମ୍ବ ଲୁହା ଖୁଣ୍ଟ ଗୁଡିକ ଗଦା କରି ରଖିଥିଲେ। ହେଲେ ଗତ ରାତିରେ ୫ -୬ଟି ଖୁଣ୍ଟ ଚୋରି ହୋଇଥିବା ଜଣାପଡ଼ିଥିଲା।
ଅନ୍ୟପଟେ ପୋଲିସ କେମିତି ଏ ନେଇ କିଛି ସୁରାକ ପାଇଲାନି ତାହା ଚର୍ଚ୍ଚାରେ ରହିଛି।
