ଆଠମଲ୍ଲିକ: ଆଠମଲ୍ଲିକ ଅବକାରୀ ବିଭାଗ ପକ୍ଷରୁ ସୋମବାର ବିଭିନ୍ନ ସ୍ଥାନରେ ଚଢ଼ାଉ କରାଯାଇ ବିପୁଳ ପରିମାଣର ବେଆଇନ ମଦ ଜବତ କରାଯାଇଛି। ଜବତ ମଦ ଭିତରେ ୧୬୭ ଲିଟର ଦେଶୀ ରନ୍ଧାମଦ, ୧୨ ଲିଟର ବିଦେଶୀ ମଦ ଓ ୫୦୦ କିଲୋ ମହୁଲପୋଚ ରହିଛି। ଏଥିସହ ପୋଲିସ ୭ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି।
ଗିରଫମାନଙ୍କ ମଧ୍ୟରେ ଆଠମଲ୍ଲିକ ଥାନା କାଠପେଣ୍ଠସାହିର ବିଶି ମୁଣ୍ଡା (୫୦), ହଣ୍ଡପା ଥାନା ମଧୁପୁରର ଦୁଃଖୀ ବେହେରା (୨୪) ଓ ଲୋଚନ ବେହେରା (୨୫), ହଣ୍ଡପା ଥାନା କଦଳୀମୁଣ୍ଡାର ସନାତନ ବେହେରା (୬୦) ଓ ଶ୍ରୀମତୀ ବେହେରା (୬୦), ଜରପଡା ଥାନା ଡାହିମାଳ ଗ୍ରାମର ଇନ୍ଦ୍ର ଦେହୁରୀ (୪୫)ଓ ରଞ୍ଜିତା ବେହେରା (୨୨) ଅଛନ୍ତି। ଅବକାରୀ ନିରୀକ୍ଷକ ଧରଣୀଧର ପ୍ରହରାଜଙ୍କ ନେତୃତ୍ୱରେ ଅନ୍ୟ ଅଧିକାରୀ ଓ କର୍ମଚାରୀ ଏହି ଚଢ଼ାଉରେ ସାମିଲ ଥିଲେ।
