ଅନୁଗୁଳ: ଅନୁଗୁଳ ଜିଲ୍ଲା କଣିହାଁ ବ୍ଲକର ବିଭିନ୍ନ ଗ୍ରାମରେ ପାଳଲହଡ଼ା ବିଧାୟକ ଅଶୋକ ମହାନ୍ତି ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ କରିଛନ୍ତି। ପ୍ରକଳ୍ପଗୁଡ଼ିକ ମଧ୍ୟରେ ଦଲକ ଗ୍ରାମ ପଞ୍ଚାୟତ ଦଲକ ଗ୍ରାମରେ ୧୦ ଲକ୍ଷ ଟଙ୍କାରେ ନିର୍ମିତ ହୋଇଥିବା ନୂତନ ହାଟ ପିଣ୍ଡିର ଶୁଭ ଉଦ୍ଘାଟନ, ନାଲମ ଗ୍ରାମ ସ୍ବାସ୍ଥ୍ୟ କେନ୍ଦ୍ର ପରିସରରେ ୩୮ ଲକ୍ଷ ଟଙ୍କା ବ୍ୟୟରେ ନୂତନ ଗୃହର ଶିଳାନ୍ୟାସ, ପୋଇପାଳ ଖଜୁରିଆ ସାହି ଠାରେ ବିକଶିତ ଗ୍ରାମ ବିକଶିତ ଓଡ଼ିଶାରେ ୩ ଲକ୍ଷ ଟଙ୍କାର କଂକ୍ରିଟ ରାସ୍ତାର ଶୁଭ ଉଦ୍ଘାଟନ ହୋଇଛି। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ପାଳଲହଡ଼ା ବିଧାୟକ ଅଶୋକ ମହାନ୍ତି ଯୋଗଦେଇ ନଡିଆ ବାଡେଇ ଫିତାକାଟି ପ୍ରକଳ୍ପ ଗୁଡିକର ଭୂମିପୂଜନ ଓ ଉଦ୍ଘାଟନ କରିଥିଲେ। କାର୍ଯ୍ୟକ୍ରମରେ କଣିହାଁ ବ୍ଲକ ବିଡିଓ ତ୍ରିବିକ୍ରମ କୁମୂରା, ଦଲକ ସରପଞ୍ଚ ସଙ୍ଗୀତା ଡାକୁଆ, ତାଳପଦା ସରପଞ୍ଚ ରାଜେନ୍ଦ୍ର ବେହେରା, ପୂର୍ବତନ ସରପଞ୍ଚ ପୁଷ୍ପଲତା ପ୍ରଧାନ, ରେଙ୍ଗାଲି ମଣ୍ଡଳ ସଭାପତି ହରେକୃଷ୍ଣ ପ୍ରଧାନ, ମଣ୍ଡଳ ଉପସଭାନେତ୍ରୀ ଅଞ୍ଜଳି ପ୍ରଧାନ, ଢେଙ୍କାନାଳ ସାଂସଦଙ୍କ ପ୍ରତିନିଧି ତ୍ରିପୁରାରୀ ପ୍ରଧାନ, ପାଳଲହଡା ବିଧାନସଭା ସଂଯୋଜକ ପ୍ରହ୍ଲାଦ ସାମଲ, ବରିଷ୍ଠ ନେତା ଦିବାକର ପ୍ରଧାନ, ଧ୍ରୁବ ଚରଣ ଧୀର, ସୁମନ୍ତ ପ୍ରଧାନ, ଟିକନ ପ୍ରଧାନ ଓ କବିରାଜ ନାୟକ ପ୍ରମୁଖ ଉପସ୍ଥିତ ଥିଲେ।
କଣିହାଁରେ ଲକ୍ଷାଧିକ ଟଙ୍କାର ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉଦ୍ଘାଟନ କରିଛନ୍ତି ବିଧାୟକ
- Post published:November 26, 2025
- Post category:ଅନ୍ୟାନ୍ୟ
- Post comments:0 Comments
- Post author:Angul TV Bureau


