ଅନୁଗୁଳ: ଅନୁଗୁଳ ଜିଲ୍ଲା ଛେଣ୍ଡିପଦା ବ୍ଲକ୍ ଅନ୍ତର୍ଗତ ଟାଙ୍ଗୀର ଗାଁର ଦିଲ୍ଲୀପଙ୍କୁ ଜାତୀୟ ଗୋପାଳ ରତ୍ନ ପୁରସ୍କାର। କେନ୍ଦ୍ର ସରକାରଙ୍କ ପକ୍ଷରୁ ଦିଲ୍ଲୀରେ ମିଳିଲା ମାନପତ୍ର। ଏହି ଜାତୀୟ ଗୋପାଳ ରତ୍ନ ପୁରସ୍କାର ପାଇଁ ୩ଟି ବିଭାଗରେ ବିଭକ୍ତ କରାଯାଇଥିବା ବେଳେ ଗୋପାଳ ରତ୍ନ ପୁରସ୍କାର ପାଇଁ ଓଡ଼ିଶା ଦିଲ୍ଲୀପଙ୍କୁ ପୁରସ୍କୃତ କରାଯାଇଛି। ଜାତୀୟ ଦୁଗ୍ଧ ଦିବସରେ ଭାରତ ସରକାରଙ୍କ ପକ୍ଷରୁ ଦିଲ୍ଲୀପ ପ୍ରଧାନଙ୍କୁ ଏହି ପୁରସ୍କାର ପ୍ରଦାନ କରାଯାଇଛି। ଦିଲ୍ଲୀପ ଗତ ୧୪ ବର୍ଷ ହେଲାଣି BAIF ନାମକ ଏକ ସରକାରୀ ସ୍ଵୀକୃତିପ୍ରାପ୍ତ NGO ସଂସ୍ଥାରେ କୃତ୍ରିମ ପ୍ରଜନନ ଟେକ୍ନିସିଆନ ଭାବେ କାମ କରନ୍ତି। ଏଥି ସହିତ ପାତ୍ରପଡା ସେଣ୍ଟରର ଅଧିକାରୀ ଭାବେ ରହିବା ସହିତ ୧୮ଟି ଗାଁରେ କାମକରି ଅଞ୍ଚଳରେ ବେଶ୍ ସୁନାମ ଅର୍ଜନ କରିଛନ୍ତି।
ଗତ ୪ ବର୍ଷରେ ଦିଲ୍ଲୀପ ୪ ହଜାରରୁ ଅଧିକ ଗାଈମାନଙ୍କ କୃତ୍ରିମ ପ୍ରଜନନ କରାଇଛନ୍ତି। ତେଣୁ ତାଙ୍କୁ ଦିଲ୍ଲୀରେ ଗତ ୨୬ ତାରିଖରେ ଗୋପାଳ ରତ୍ନ ପୁରସ୍କାର ସାଙ୍ଗକୁ ୫ଲକ୍ଷ ଟଙ୍କାର ଅର୍ଥରାଶି ପ୍ରଦାନ କରାଯାଇଛି। ସେ ଘରକୁ ଫେରିବା ପରେ ଟାଙ୍ଗିରି ପଞ୍ଚାୟତ ପକ୍ଷରୁ ତାଙ୍କୁ ବାଜା ବାଣ ଫୁଟାଇ ଭବ୍ୟ ସ୍ୱାଗତ ସମ୍ବର୍ଦ୍ଧନା ଜଣାଯାଇଛି। ଏ ଅବସରରେ ଟାଙ୍ଗୀର ପଞ୍ଚାୟତର ସରପଞ୍ଚ ଅମରେଶ ନାଥ, ମହେଶ୍ୱର ମାଝୀ, ରାକେଶ କୁମାର ନାଥ, ସମରେଶ ନାଥ, ଅର୍ଜୁନ କୁମାର ବେହେରା, ଦୟାନିଧି ବେହେରା, ବିପିନ ବିହାରୀ ନାଥ ପ୍ରମୁଖ ଉପସ୍ଥିତ ଥିଲେ।
