ପୁରୁଣାକୋଟ: ହାଡଭଙ୍ଗା ଶୀତରେ ସାରା ଅନୁଗୁଳ ଥରୁଛି। ଏଣୁ ପୁରୁଣାକୋଟ ଥାନା ଅଧୀନସ୍ଥ ମାଟିଆସାହି ବସ୍ତି ଅଞ୍ଚଳରେ ସ୍ଥାନୀୟ ପୋଲିସ ଓ ସମାଜସେବୀଙ୍କ ପକ୍ଷରୁ ଶୀତ ବସ୍ତ୍ର ବଣ୍ଟନ କରାଯାଇଛି।
ଏ ଅବସରରେ ଥାନା ଭାରପ୍ରାପ୍ତ ଅଧିକାରୀ ଆଶିଷ ଜେନା, ସବ ଇନ୍ସପେକ୍ଟର ଅଜୟ ସାହୁ, ଯୁବ ସମାଜସେବୀ ଅନୁପ ପଟ୍ଟନାୟକ, ଦେବେନ୍ଦ୍ର ଅମାନ୍ତ, ସୁଜିତ ପଟ୍ଟନାୟକଙ୍କ ସହଯୋଗରେ ୫୦ ବସ୍ତି ବାସିନ୍ଦାଙ୍କୁ ବସ୍ତ୍ର ଓ ଶୀତ ବସ୍ତ୍ର ବଣ୍ଟନ କରାଯାଇଥିଲା। ଏହା ଦ୍ୱାରା ଅସହାୟଙ୍କୁ ଶୀତରୁ ରକ୍ଷା ମିଳିପାରିବ।
