ଅନୁଗୁଳ : ଜିନ୍ଦଲ ଷ୍ଟିଲ ଆଣ୍ଡ ପାୱାର (ଜେଏସପି) ପକ୍ଷରୁ ଅନୁଗୁଳ ପ୍ଲାଂଟ ପରିସରରେ ଦେଶପ୍ରେମର ଉତ୍ସାହ ସହିତ ତ୍ରିରଙ୍ଗା ପତାକା ଦିବସ ପାଳିତ ହୋଇଛି । ଫ୍ଲାଗ୍ ଫାଉଣ୍ଡେସନ ଅଫ ଇଣ୍ଡିଆର ଅଧ୍ୟକ୍ଷ ନବୀନ ଜିନ୍ଦଲଙ୍କ ନେତୃତ୍ୱରେ ହାସଲ ହୋଇଥିବା ଐତିହାସିକ ବିଜୟର ୨୧ ବର୍ଷ ପୂର୍ତ୍ତି ଅବସରରେ ଏହି ଦିବସ ପାଳିତ ହୋଇଛି ।
ଏହି ଅବସରରେ ଜିନ୍ଦଲ ନଗର ଠାରେ ଥିବା ୨୦୭ ଫୁଟ ବିଶିଷ୍ଟ ସ୍ମାରକୀ ଫ୍ଲାଗ୍ ପୋଲରେ ଜେଏସପି ଅନୁଗୁଳ ମୁଖ୍ୟ ତଥା କାର୍ଯ୍ୟନିର୍ବାହୀ ନିର୍ଦ୍ଦେଶକ ପଙ୍କଜ ମଲହାନଙ୍କ ନେୃତ୍ୱତ୍ୱରେ ପତାକା ଉତ୍ତୋଜନ କରାଯାଇଥିଲା । କାର୍ଯ୍ୟନିର୍ବାହୀ ନିର୍ଦ୍ଦେଶକ (ପ୍ରକଳ୍ପ) ଦାମୋଦର ମିତ୍ତଲ ଏବଂ ସମସ୍ତ ବିଭାଗର ବିଭାଗୀୟ ମୁଖ୍ୟମାନେ ମଧ୍ୟ ଉପସ୍ଥିତ ଥିଲେ । ଏଥିରେ ଜେଏସପିର କର୍ମଚାରୀ ଏବଂ ସ୍କୁଲ ଛାତ୍ରଛାତ୍ରୀମାନେ ଏକତ୍ରିତ ହୋଇ ଜାତୀୟ ପତାକାକୁ ସମ୍ମାନ ଜଣାଇଥିଲେ ।
କର୍ମଚାରୀମାନଙ୍କୁ ପ୍ରେରଣା ଦେବା ପାଇଁ ସମସ୍ତ ବିଭାଗର ସମ୍ମିଳନୀ କକ୍ଷରେ ତ୍ରିରଙ୍ଗା ପତାକାର ଯାତ୍ରା ଏବଂ ଏହାର ମହତ୍ୱକୁ ପ୍ରତିଫଳିତ କରୁଥିବା ୧୫ ମିନିଟର ଏକ ଭିଡିଓ ପ୍ରଦର୍ଶନ କରାଯିବା ସହ ଏକ ଅନଲାଇନ କୁଇଜ୍ ପ୍ରତିଯୋଗିତାର ମଧ୍ୟ ଆୟୋଜନ କରାଯାଇଥିଲା ।
ଏହି କାର୍ଯ୍ୟକ୍ରମ ନୂଆ ଉତ୍ସାହ ଓ ଗୌରବର ଭାବ ସହ ଶେଷ ହୋଇଥିଲା । କର୍ମଚାରୀମାନେ ତ୍ରିରଙ୍ଗା ଦ୍ୱାରା ଅନୁପ୍ରାଣିତ ମୁଲ୍ୟବୋଧକୁ ବଜାୟ ରଖିବାକୁ ପ୍ରତିଶ୍ରୁତି ଦେଇଥିଲେ, ଯାହା ବିବିଧତା ଭିତରେ ଏକାତାର ବାର୍ତ୍ତା ଦେଉଥିଲା ।
