ବଇଣ୍ଡା: ଅନୁଗୁଳ ଜିଲା ଆଠମଲ୍ଲିକ ବ୍ଲକ୍ ଅଞ୍ଚଳର ଜଣେ ନବମ ଶ୍ରେଣୀ ଛାତ୍ରୀଙ୍କୁ ଅପହରଣ କରାଯାଇଥିବା ବେଳେ ବୁଧବାର ଠାକୁରଗଡ଼ ପୋଲିସ୍ ଉକ୍ତ ଛାତ୍ରୀଙ୍କୁ ସାଲେପୁର ଅଞ୍ଚଳରୁ ଉଦ୍ଧାର କରିଛି। ଏହି ଅପହରଣରେ ସମ୍ପୃକ୍ତ ଥିବା ଠାକୁରଗଡ଼ ଥାନା ଅନ୍ତର୍ଗତ ଝିଲ୍ଲୀମୁଣ୍ଡା ଗ୍ରାମର ଦଣ୍ଡଧର ବେହେରାଙ୍କୁ ପୋଲିସ୍ ଗିରଫ କରିଛି।
ଛାତ୍ରୀ ଜଣକ ସ୍କୁଲରୁ ପାଠ ପଢ଼ି ଘରକୁ ଫେରୁଥିବା ବେଳେ ଦଣ୍ଡଧର ତାଙ୍କୁ ଅପହରଣ କରି ନେଇଥିଲେ। ଏ ନେଇ ଛାତ୍ରୀଙ୍କ ପରିବାର ପକ୍ଷରୁ ଅଭିଯୋଗ ହେବା ପରେ ଠାକୁରଗଡ଼ ପୋଲିସ ସୂଚନା ପାଇ ସାଲେପୁର ଅଞ୍ଚଳରେ ଚଢ଼ାଉ କରିଥିଲା।
ପୋଲିସ ଉଭୟ ଯୁବକ ଓ ଛାତ୍ରୀଙ୍କୁ ଉଦ୍ଧାର କରିବା ପରେ ଯୁବକଙ୍କୁ ଗିରଫ କରାଯାଇଛି। ଏ ସମ୍ପର୍କରେ ଥାନାରେ କେସ୍ ନମ୍ବର ୩୦୬/୨୫ ରେ ଏକ ମାମଲା ରୁଜୁ କରାଯାଇଛି।ଉଭୟଙ୍କୁ ଆଠମଲ୍ଲିକ ମେଡିକାଲରେ ଡାକ୍ତରୀ ମାଇନା ପାଇଁ ପଠାଯାଇଛି।
