କଣିହାଁ: ଅନୁଗୁଳ ଜିଲ୍ଲା କଣିହାଁ ବ୍ଲକ୍ ହନୁମାନପୁର ପଞ୍ଚାୟତ ଅନ୍ତର୍ଗତ ତାଳବାହାଳୀ ଗଙ୍ଗାଧାମ ଆଶ୍ରମ ଛେଣ୍ଡିପଦା ବିଧାୟକ ଅଗସ୍ତି ବେହେରା ପରିଦର୍ଶନ କରିଛନ୍ତି। ବିଧାୟକ ଶ୍ରୀ ବେହେରା ଠାକୁରଙ୍କୁ ପୂଜାର୍ଚ୍ଚନା କରିବା ପରେ ନିର୍ମାଣାଧୀନ ରାମ ମନ୍ଦିର ବୁଲି ଦେଖିଥିଲେ। ମନ୍ଦିର ନିର୍ମାଣ କାର୍ଯ୍ୟ ସଂପୂର୍ଣ୍ଣ କରିବାnପାଇଁ ବିଧାୟକଙ୍କ ଆଞ୍ଚଳିକ ପାଣ୍ଠିରୁ ୧୦ ଲକ୍ଷ ଟଙ୍କା ଦେବେ ବୋଲି ସେ ପ୍ରତିଶ୍ରୁତି ଦେଇଥିଲେ।
ମନ୍ଦିର ପ୍ରତି ଅଞ୍ଚଳର ଅଧିବାସୀମାନଙ୍କର ସହଯୋଗ ଥିବାରୁ ଏହାର ବିକାଶ ପାଇଁ ସମସ୍ତ ପ୍ରକାର ସହଯୋଗ କରିବେ ବୋଲି ସେ ପ୍ରତିଶ୍ରୁତି ଦେଇଥିଲେ। ଆଶ୍ରମର ପ୍ରତିଷ୍ଠାତା ବାବା ଚିତ୍ରସେନ ଦାସଙ୍କ ସହିତ ବିଧାୟକ ଶ୍ରୀ ବେହେରା ମନ୍ଦିର ପରିସରରେ ବୃକ୍ଷ ରୋପଣ କରିଥିଲେ। ବିଧାୟକ ଶ୍ରୀ ବେହେରାଙ୍କୁ ସ୍ଥାନୀୟ ମଣ୍ଡୁଆ ଗ୍ରାମବାସୀଙ୍କ ପକ୍ଷରୁ ମଧ୍ୟ ସମ୍ବର୍ଦ୍ଧନା ଦିଆଯାଇଥିଲା ।
