ଅନୁଗୁଳ: ଶିମିଳିପଡା ନେତାଜୀ ଶିଶୁ ଉଦ୍ୟାନରେ ସୁଭାଷ ଚନ୍ଦ୍ର ବୋଷ ବା ନେତାଜୀଙ୍କ ଜୟନ୍ତୀ ପାଳିତ ହୋଇଯାଇଛି। ଏ ଅବସରରେ ସ୍ଥାନୀୟ
ଲିଟିଲ ହାର୍ଟସ ଟଡଲର୍ସ ଏକାଡେମୀ ପକ୍ଷରୁ ସ୍କୁଲର ଭାଇସ ପ୍ରିନ୍ସପାଲ ଅଜୟ କୁମାର ବେହେରାଙ୍କ ନେତୃତ୍ୱରେ ସହକାରୀ ଶିକ୍ଷକ ଶିକ୍ଷୟିତ୍ରୀ ଏବଂ ସ୍କୁଲ ଛାତ୍ର ଛାତ୍ରୀ ନେତାଜୀଙ୍କ ଜୟନ୍ତୀରେ ସାମିଲ ହୋଇଥିଲେ ସମାରୋହରେ ଭାଇସ ପ୍ରିନ୍ସପାଲ ଶ୍ରୀ ବେହେରାଙ୍କ ସମେତ ସହକାରୀ ଶିକ୍ଷକ ସଂଗ୍ରାମ ନାୟକ ଓ ଶିକ୍ଷୟିତ୍ରୀ ରେଣୁବାଳା ପଟ୍ଟନାୟକ ଅତିଥି ଭାବେ ଯୋଗ ଦେଇ ସ୍ୱାଧୀନତା ସଂଗ୍ରାମରେ ନେତାଜୀଙ୍କ ଭୂମିକା, ନେତୃତ୍ୱ, ସାହସ, ଇଂରେଜ ମାନଙ୍କ ବିରୁଦ୍ଧରେ ତାଙ୍କର ରଣନୀତିର ସ୍ମୃତି ଚାରଣ କରିଥିଲେ ଅତିଥିମାନେ ନେତାଜୀଙ୍କ ପୂର୍ଣାବୟବ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ସହ ଶ୍ରଦ୍ଧା ସୁମନ ଅର୍ପଣ କରିଥିଲେ।ପାର୍କରେ ନେତାଜୀ ସେନା ପକ୍ଷରୁ ମଧ୍ୟ ଜୟନ୍ତୀ ପାଳିତ ହୋଇଥିଲା। ବିଜେପି ଜିଲ୍ଲା ସଭାପତି ଡିଲେଶ୍ୱର ପ୍ରଧାନ, ଦିଲୀପ ପ୍ରଧାନ ଓ ଅନ୍ୟ ସାଥୀମାନେ ଯୋଗ ଦେଇ ନେତାଜୀଙ୍କ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
