ଅନୁଗୁଳ: ତାଳଚେର ତାଳଚେର କଲେଜର ଅବସରପ୍ରାପ୍ତ ଅଧ୍ୟାପକ ତଥା ଅଗ୍ରଣୀ ସାମାଜିକ ଓ ସାଂସ୍କୃତିକ ଅନୁଷ୍ଠାନ “ଆମ ପ୍ରତିଭା ଆମ ପରିଚୟ” ଅନୁଷ୍ଠାନର ସାଧାରଣ ସମ୍ପାଦକ ବିଶିଷ୍ଟ ଶିକ୍ଷାବିତ୍ ଡଃ. ନିମାଇଁ ଚରଣ ପ୍ରଧାନଙ୍କ ଆଜି ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୬୫ ବର୍ଷ ହୋଇଥିଲା। ସେ ଦୀର୍ଘ ଦିନ ଧରି କିଡନୀ ଜନିତ ରୋଗରେ ପୀଡ଼ିତ ହୋଇ ଚିକିତ୍ସିତ ହେଉଥିଲେ। ଗତ ରାତିରେ ଶ୍ରୀ ପ୍ରଧାନ ଯକୃତ ଜନିତ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ସ୍ଥାନୀୟ ଡାକ୍ତରଖାନାକୁ ନିଆଯାଇଥିଲା। କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ତାଙ୍କ ବିୟୋଗ ଖବର ପାଇ ଘନିଷ୍ଠ ବନ୍ଧୁ ଢେଙ୍କାନାଳର ପୂର୍ବତନ ସାଂସଦ ମହେଶ ସାହୁ, ତାଳଚେର ବିଧାୟକ ବ୍ରଜକିଶୋର ପ୍ରଧାନ, ରାଜ୍ୟ ଖାଦ୍ୟ ନିଗମ କମିଶନର ଅବନିକାନ୍ତ ସାହୁ, ନଗରପାଳ ପବିତ୍ର ଭୂତିଆ ପ୍ରମୁଖ ଗଭୀର ଶୋକ ପ୍ରକାଶ କରିଛନ୍ତି। ଏଥିସହ ତାଳଚେର କଲେଜ ଅଧ୍ୟକ୍ଷ ସୁବ୍ରତ ଦାସ, ପୂର୍ବତନ ତାଳଚେର କଲେଜ ଅଧ୍ୟକ୍ଷ ଅଶୋକ ଶର୍ମା, ବିଶିଷ୍ଟ ଶିକ୍ଷାବିତ ଡଃ. ଉପେନ୍ଦ୍ର ପରିଡା, ଇଂ ରମେଶ ବେହେରା, ପରଜଙ୍ଗ ପୂର୍ବତନ ବ୍ଲକ ଅଧ୍ୟକ୍ଷ ଅକ୍ଷୟ ବେହେରା, ହିନ୍ଦୋଳ ପୂର୍ବତନ ବ୍ଲକ ଅଧ୍ୟକ୍ଷ ପ୍ରିୟ ରଞ୍ଜନ ମାହୁନ୍ତ ପ୍ରମୁଖ ଶତାଧିକ ବିଶିଷ୍ଟ ବ୍ୟକ୍ତି ତାଙ୍କ ଶେଷ ଦର୍ଶନ କରି ଆତ୍ମାର ଶାନ୍ତି ପାଇଁ ପ୍ରାର୍ଥନା କରିଥିଲେ।
