ତାଳଚେର: ଏନଟିପିସି ତାଳଚେର ଥର୍ମାଲ୍ ପକ୍ଷରୁ ଶୁକ୍ରବାର ଏକ ସାମ୍ବାଦିକ ସମ୍ମିଳନୀ ଆୟୋଜନ କରାଯାଇ ପ୍ରକଳ୍ପର ପ୍ରଗତି, ସ୍ଥାୟିତ୍ୱ ପଦକ୍ଷେପ ଏବଂ ସାମୁଦାୟିକ ବିକାଶର ପ୍ରୟାସ ବିଷୟରେ ସବିଶେଷ ତଥ୍ୟ ପ୍ରଦାନ କରାଯାଇଛି। କାର୍ଯ୍ୟକ୍ରମରେ ପ୍ରକଳ୍ପର କାର୍ଯ୍ୟନିର୍ବାହୀ ନିର୍ଦ୍ଦେଶକ ଏବଂ ମୁଖ୍ୟ ବିଜୟ ଚାନ୍ଦ, ଜିଏମ (ପ୍ରୋଜେକ୍ଟ) ପ୍ରବୀର କୁମାର, ଏଜିଏମ (ଏଚଆର) ରୋହିତ କୁମାର, ଏଜିଏମ( ବୈଦ୍ୟୁତିକ ପ୍ରତିଷ୍ଠା) ସୁରେଶ ଚନ୍ଦ୍ର ବେହେରା, ଏବଂ ଏଜିଏମ (ଯୋଜନା ଏବଂ ସିଷ୍ଟମ) ପ୍ରକାଶ ଚନ୍ଦ୍ର ନୈନୱାଲ ଉପସ୍ଥିତ ଥିଲେ।
ଅଧିବେଶନରେ ଟିଟିପିଏସ ଦ୍ୱାରା ଏନଟିପିସି ତାଳଚେର ଥର୍ମାଲ୍ର ବର୍ତ୍ତମାନର ସ୍ଥିତି ଏବଂ ଭବିଷ୍ୟତ କାର୍ଯ୍ୟପନ୍ଥା ବିଷୟରେ ବିସ୍ତୃତ ଉପସ୍ଥାପନା କରାଯାଇଥିଲା। ତାଳଚେର ବିଦ୍ୟୁତ୍ ପ୍ରକଳ୍ପ ପର୍ଯ୍ୟାୟ ତୃତୀୟ (୨x୬୬୦ ମେଗା ୱାଟ) ର ପ୍ରମୁଖ ମାଇଲଖୁଣ୍ଟଗୁଡ଼ିକୁ ଆଲୋକପାତ କରାଯାଇଥିଲା। ପ୍ରକଳ୍ପର ତୃତୀୟ ୟୁନିଟ୍ ୧ ମାର୍ଚ୍ଚ ୨୦୨୭ ସୁଦ୍ଧା ସମାପ୍ତ ଏବଂ କାର୍ଯ୍ୟକ୍ଷମ ହେବା ପାଇଁ ଲକ୍ଷ୍ୟ ରଖାଯାଇଛି।
ଏନଟିପିସି ତାଳଚେର ଥର୍ମାଲ୍ ଶିକ୍ଷା, ସ୍ୱାସ୍ଥ୍ୟ, ଭିତ୍ତିଭୂମି, ମହିଳା ସଶକ୍ତୀକରଣ, ଦକ୍ଷତା ବିକାଶ ଏବଂ ପାର୍ଶ୍ୱବର୍ତ୍ତୀ ଗ୍ରାମଗୁଡ଼ିକରେ ଦୁର୍ବଳ ବର୍ଗଙ୍କ ପାଇଁ ତାଲିମ ଏବଂ ଉତ୍ଥାନ ପାଇଁ ୩୦ କୋଟି ୨୪ ଲକ୍ଷ ଟଙ୍କା ଖର୍ଚ୍ଚ କରିଛି ବୋଲି ସୂଚନା ଦେଇଥିଲେ।
