ପାଳଲହଡ଼ା: ଅନୁଗୁଳ ଜିଲ୍ଲା ପାଳଲହଡା ଥାନା ଅନ୍ତର୍ଗତ ହାତୀମୁଣ୍ଡ ଗାଁରେ ନାତିର ଠେଙ୍ଗା ମାଡ଼ରେ ଅଜାର ମୃତ୍ୟୁ ଘଟିଛି।
ସୂଚନା ଅନୁଯାୟୀ, ହାତୀମୁଣ୍ଡ ଗାଁର ଧନୁରାମ ମହାକୁଳ ନିଜ ନାତୁଣୀ ବୋହୂକୁ ଖରାପ ସମ୍ପର୍କ ରଖିବା ପାଇଁ ବାଧ୍ୟ କରୁଥିଲେ। ନାତି ନବୀନ ମହାକୁଳ ଏ ନେଇ ଜାଣିବା ପରେ ଅଜାକୁ ଏଥିରୁ ନିବୃତ ରହିବା ପାଇଁ କହିଥିଲେ।
ଗତକାଲି ସେହି ଘଟଣାକୁ କେନ୍ଦ୍ର କରି ଅଜା ଓ ନାତି ମଧ୍ୟରେ ଯୁକ୍ତିତର୍କ ହୋଇଥିଲା। ଏଥିରେ ଉତକ୍ଷିପ୍ତ ହୋଇ ନାତି ଏକ ଠେଙ୍ଗାରେ ଅଜାକୁ ଆକ୍ରମଣ କରିଥିଲେ। ଫଳରେ ଘଟଣା ସ୍ଥଳରେ ଅଜାର ମୃତ୍ୟୁ ଘଟିଥିଲା।
ପରେ ଗ୍ରାମବାସୀଙ୍କ ଠାରୁ ସୂଚନା ପାଇ ପାଳଲହଡା ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ନାତି ନବୀନ ମହାକୁଳକୁ ଗିରଫ କରିବା ସହ ଶବ ବ୍ୟବଚ୍ଛେଦ ପାଇଁ ପାଳଲହଡା ଡାକ୍ତରଖାନାକୁ ପଠାଇଥିବା ଜଣାଯାଇଛି।
