ଅନୁଗୁଳ: ଅନୁଗୁଳ ଜିଲ୍ଲା କ୍ରିକେଟ ସଂଘ ଆନୁକୂଲ୍ୟରେ ଅନୁଷ୍ଠିତ ହେବାକୁ ଥିବା ଇଣ୍ଟ୍ରା-କ୍ଲବ କ୍ରିକେଟ ପ୍ରତିଯୋଗିତା ପାଇଁ ସିନିୟର ଦଳ(୧୯ ବର୍ଷରୁ ଅଧିକ ଓ ୩୦ ବର୍ଷରୁ କମ) ଚୟନ ନିମନ୍ତେ ଖେଳାଳି ପଞ୍ଜିକରଣ ପ୍ରକ୍ରିୟା ଚଳିତ ମାସ ୨୯ ତାରିଖଠାରୁ ୩୧ ତାରିଖ ପର୍ଯ୍ୟନ୍ତ ସ୍ଥାନୀୟ କଦମ ପଡିଆଠାରେ ସଂଘର ନିଜସ୍ବ କାର୍ଯ୍ୟାଳୟରେ ହେବ। ନାମାଙ୍କନ ନିମନ୍ତେ ଅସଲି ଡିଜିଟାଲ ଜନ୍ମଗତ ପ୍ରମାଣ ପତ୍ର ଓ ଆଧାର କାର୍ଡ ଆବଶ୍ୟକ। ଏହି ପଞ୍ଜିକରଣ ପ୍ରକ୍ରିୟା ସକାଳ ୯.୩୦ରୁ ୧୨.୩୦ ଓ ଅପରାହ୍ନ ୨.୦୦ ରୁ ୫.୦୦ଟା ପର୍ଯ୍ୟନ୍ତ ଚାଲୁ ରହିବ ବୋଲି ସଂଘର ସାଧାରଣ ସମ୍ପାଦକ ସାଗରନାଥ ମିଶ୍ର ପ୍ରକାଶ କରିଛନ୍ତି।