ଆଠମଲ୍ଲିକ: ଆଠମଲ୍ଲିକ ଉପଖଣ୍ଡର ୯ ନମ୍ବର ୱାର୍ଡ ରାମେଶ୍ୱର ପାଟଣା ଠାରେ ଥିବା ଶିବ ମନ୍ଦିରରେ ଶିବ ବିବାହ ମହା ଆଡ଼ମ୍ବରରେ ପାଳିତ ହୋଇଛି। ଏ ଅବସରରେ ଦେବ ଦମ୍ପତି ଶୋଭାଯାତ୍ରାରେ ନଗର ପରିକ୍ରମା କରିଥିଲେ। ରୁଦ୍ରାଭିଷେକ କାର୍ଯ୍ୟକ୍ରମରେ ସୁଶାନ୍ତ କୁମାର ମହାପାତ୍ର ଏବଂ ମାଳବିକା ମହାପାତ୍ର କର୍ତ୍ତା ଭାବେ ଯୋଗ ଦେଇଥିଲେ। ବର ପକ୍ଷରୁ ପିତାମାତା ଭାବେ ରମେଶ ମହାନ୍ତି ଏବଂ ରଶ୍ମିତା ମହାନ୍ତି ଓ କନ୍ୟା ପକ୍ଷରୁ ପିତା ମାତା ଭାବେ ବିନୟ କୁମାର ପଟ୍ଟନାୟକ ଏବଂ ସଂଯୁକ୍ତା ପଟ୍ଟନାୟକ ଯୋଗ ଦେଇଥିଲେ।
କାର୍ଯ୍ୟକ୍ରମକୁ କୁଲୁ ପ୍ରଧାନ, ଗୋବିନ୍ଦଚନ୍ଦ୍ର ବାଘ, ତ୍ରିଜୀବ ତ୍ରିପାଠୀ, ଅଶୋକ ବେହେରାଙ୍କ ସମେତ ଶୀତଳ ଷଷ୍ଠୀ କମିଟିର ସଦସ୍ୟ ପରିଚାଳନା କରିଥିଲେ। ଏ ଅବସରରେ ଭକ୍ତଙ୍କ ପାଇଁ ଅନ୍ନ ପ୍ରସାଦର ବନ୍ଦୋବସ୍ତ କରାଯାଇଥିଲା।
