ଛେଣ୍ଡିପଦା: ଅନୁଗୁଳ ଜିଲ୍ଲା ଛେଣ୍ତିପଦା ଥାନା ବନଦୁର୍ଗା ପିଠ ନିକଟସ୍ଥ ବୁଲାଣିରେ ଏକ କାର ଭାର ସାମ୍ୟ ହରାଇ ରାସ୍ତାର ୫ ଫୁଟ ତଳକୁ ଖସିପଡିବ ସହିତ କାର ଚାଳକଙ୍କ ସମେତ ୨ ଜଣ ଯାତ୍ରୀ ଅଳ୍ପକେ ବର୍ତ୍ତି ଯାଇଛନ୍ତି l
ଘଟଣାରୁ ପ୍ରକାଶ ଯେ, ଝାରସୁଗୁଡା ଅଞ୍ଚଳରୁ ଏକ ମାରୁତି ଏର୍ଟିଗା କାର ଛେଣ୍ତିପଦା ଦେଇ ଜରପଡା ଆଡକୁ ଯାଉଥିବା ବେଳେ ଛେଣ୍ତିପଦା-ଜରପଡା ରାସ୍ତାର ବନଦୁର୍ଗା ପିଠ ନିକଟସ୍ଥ ବୁଲାଣିରେ କାରଟି ଭାରସାମ୍ୟ ହରାଇ ରାସ୍ତାର ୫ ଫୁଟ ତଳକୁ ଖସିପଡ଼ିଥିଲା। ଫଳରେ କାରରେ ଥିବା ଚାଳକଙ୍କ ସମେତ କାରରେ ବସିଥିବା ଅନ୍ୟ ୨ ଜଣ ଯାତ୍ରୀ ମଧ୍ୟ ସାମାନ୍ୟ ଆହତ ହୋଇଥିବା ଜଣାପଡିଛି l ତେବେ ଏହି କାର ଦୁର୍ଘଟଣାରେ ଆହତଙ୍କ ପରିଚୟ ମିଳି ପାରି ନାହିଁ। କାରଟି ରାସ୍ତା ତଳକୁ ଓଲଟି ଭାଙ୍ଗିରୁଜି ଯାଇଥିବା ବେଳେ ଏନେଇ ଥାନାରେ କୌଣସି ଅଭିଯୋଗ ହୋଇ ନଥିବା ପୋଲିସ ସୂତ୍ରରୁ ଜଣାପଡିଛି।
