ଅନୁଗୁଳ : ଅନୁଗୁଳ ଜିଲ୍ଲା ୫୫ ନଂ ଜାତୀୟ ରାଜପଥର ସାନ୍ତରାପୁର ଗାଁ ନିକଟରେ ଏକ ଦୁର୍ଘଟଣାରେ ୩ ଜଣଙ୍କ ମୃତ୍ୟୁ ଘଟିଛି। ବିପରୀତ ଦିଗରୁ ଆସୁଥିବା ଏକ ପିକଅପ୍ ଭ୍ୟାନ୍ ସାମ୍ନାରୁ ଆସୁଥିବା ବାଇକରେ ପିଟି ହୋଇଯିବାରୁ ୩ ଜଣଙ୍କ ଜୀବନ ଯାଇଛି। ବାଇକ୍କୁ ଧକ୍କା ଦେଇ ପିକ୍ଅପ୍ ଭ୍ୟାନ୍ ଡ଼୍ରାଇଭର ଫେରାର ହୋଇଯାଇଛି। ଦୁର୍ଘଟଣାରେ ୩ ଜଣ ବାଇକ ଆରୋହୀଙ୍କ ଘଟଣା ସ୍ଥଳରେ ହିଁ ମୃତ୍ୟୁ ଘଟିଛି। ମୃତକମାନେ ହେଲେ ନିକଟସ୍ଥ କୁଲେଇ ଗାଁର ସୁନିଲ ସାହୁ (୨୫), ସିପୁ ପ୍ରଧାନ (୨୬) ଓ ମାନସ ବେହେରା (୨୭) କୁଲେଇ ଗାଁରୁ କଞ୍ଜରା ଯିବା ସମୟରେ ଏନଚରେ ପିକପଭ୍ୟାନ ସହିତ ବାଇକଟି ମୁହାଁମୁହିଁ ଧକ୍କା ହୋଇଥିଲା। ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଛି। ଖବର ପାଇ ପୋଲିସ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରୁଛି।
