ଅନୁଗୁଳ: ସ୍ଥାନୀୟ ବଇଣ୍ଡା ବାଦୀବାହାଳ ରାସ୍ତା ନିକଟରେ ଟ୍ରଲର ଧକ୍କାରେ ବାଇକ ଆରୋହୀ ଗୁରୁତର ହୋଇଛନ୍ତି। ତାଙ୍କୁ ଗୁରୁତର ଅବସ୍ଥାରେ ବଇଣ୍ଡା ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି।
ସୂଚନା ମୁତାବକ, ବାଦୀବାହାଳ ଗ୍ରାମ ଆଡୁ ଆସୁଥିବା ଟ୍ରଲର (OR-15P3922) ବଇଣ୍ଡା ଆଡ଼ୁ ଆସୁଥିବା ବାଇକ (OD19 J9415) କୁ ଧକ୍କା ଦେଇଥିଲା। ଫଳରେ ବାଇକ ଆରୋହୀ ବାଦୀ ବାହାଳ ଗ୍ରାମର ବିଷ୍ଣୁଚରଣ ନାଏକଙ୍କ ପୁଅ ପିଣ୍ଟୁ ନାଏକ (୨୬)ଙ୍କର ଘଟଣାସ୍ଥଳରେ ମୁଣ୍ଡଟି ଫାଟିଯାଇଥିଲା। ତାଙ୍କୁ ପ୍ରଥମେ ବଇଣ୍ଡା ସ୍ୱାସ୍ଥ୍ୟ କେନ୍ଦ୍ର ଓ ପରେ ଅନୁଗୁଳ ସ୍ୱାସ୍ଥ୍ୟ କେନ୍ଦ୍ରକୁ ପଠାଯାଇଛି। ଖବର ପାଇ ବଇଣ୍ଡା ଫାଣ୍ଡି ଅଧିକାରୀ ସ୍ମୃତି ରଞ୍ଜନ ନାୟକ ଘଟଣାସ୍ଥଳରେ ପହଞ୍ଚି ଦୁଇଟି ଗାଡ଼ିକୁ ଜବତ କରି ତଦନ୍ତ ଚଳାଇଛନ୍ତି।
