ଅନୁଗୁଳ: ଅନୁଗୁଳ ଟାଉନ ଥାନା ଅନ୍ତର୍ଗତ ଏକଘରିଆ ଗାଁରେ ଜଣେ ମହିଳାଙ୍କୁ ମାଡ଼ମାରି ଅସଦ୍ ବ୍ୟବହାର କରିଥିବା ଅଭିଯୋଗରେ ପୁଲିସ ରବିବାର ୨ ଜଣଙ୍କୁ ଗିରଫକରି କୋର୍ଟ ଚାଲାଣ କରିଛି। ସୂଚନା ମୁତାବକ, ଗାଁର ସାଜଲ ନାଏକ ନାମକ ଜଣେ ମହିଳା ଶନିବାର ତାଙ୍କ ଘର ପଛପାଖ ବିଲକୁ ଶୌଚ ହେବାକୁ ଯାଇଥିଲେ। ଏହି ସମୟରେ ଗାଁର ଅମର ସାହୁ, କାହ୍ନୁ ନାଏକ ଓ ଅନ୍ୟଜଣେ ସେଠାରେ ପହଞ୍ଚି ସାଜଲଙ୍କୁ ମାଡ଼ମାରି ତାଙ୍କ ସ୍ବାମୀଙ୍କ ସମ୍ପର୍କରେ ପଚାରିଥିଲେ। ଗାଳିଗୁଲଜ କରି ଚୁଟି ଘୋଷାଡ଼ି ଦୁଷ୍କର୍ମ କରିବାକୁ ଧମକ ଦେଇଥିଲେ। ତେବେ ସୁଜଳଙ୍କ ପାଟି ଶୁଣି ତାଙ୍କ ନଣନ୍ଦ ସେଠାରେ ପହଞ୍ଚିବାରୁ ଅଭିଯୁକ୍ତମାନେ ସେଠାରୁ ପଳାଇଥିଲେ। ଏ ନେଇ ସୁଜଲ ଥାନାରେ ଲିଖିତ ଅଭିଯୋଗ କରିବାପରେ ପୁଲିସ ଏକ ମାମଲା ରୁଜୁକରି ରବିବାର ଅମର ଓ କାହ୍ନୁଙ୍କୁ ଗିରଫକରି କୋର୍ଟ ଚାଲାଣ କରିଛି।
ମହିଳାଙ୍କୁ ମାଡ଼ମାରି ୨ ଗିରଫ
- Post published:June 13, 2022
- Post category:ଘଟଣା ଓ ଦୁର୍ଘଟଣା
- Post comments:0 Comments
- Post author:Swagatika Samantray

Tags: Angul