ଅନୁଗୁଳ: ଅନୁଗୁଳ ଜିଲ୍ଲା ରେଙ୍ଗାଳି ଡ୍ୟାମ ସାଇଟ ଥାନା ଅଞ୍ଚଳରୁ ନିଖୋଜ ହୋଇଥିବା ଦୁଇ ନାବାଳିକାଙ୍କୁ ପୋଲିସ ନିଖୋଜ ହେବାର ବାର ଘଣ୍ଟା ମଧ୍ୟରେ ଉଦ୍ଧାର କରି ପାରିଛି। ଅକ୍ଟୋବର ପହିଲା ସନ୍ଧ୍ୟାରେ ଏହି ଦୁଇ ନାବାଳିକା ହଠାତ ନିଖୋଜ ହୋଇ ଯାଇଥିଲେ।ପୋଲିସ ଏ ମାମଲାରେ ଭାରତୀୟ ନ୍ୟାୟ ସଂହିତା ଅନୁଯାୟୀ କେସ ଦର୍ଜ କରି ଅନୁସନ୍ଧାନ ଆରମ୍ଭ କରିଥିଲା। ଶେଷରେ ଦୁଇ ନାବାଳିକାଙ୍କୁ ତହିଁ ପରଦିନ କଟକ ବାଦାମବାଡି ନିକଟରୁ ଉଦ୍ଧାର କରି ପରିବାର ଲୋକଙ୍କୁ ଫେରାଇଥିଲା।