ଅନୁଗୁଳ: ଅନୁଗୁଳ ଜେଏସ୍‌ପିଏଲ୍ କାରଖାନାରୁ ଆନ୍ଧ୍ରପ୍ରଦେଶ ଅଭିମୁଖେ ଯାଉଥିବା ଅକ୍ସିଜେନ୍ ବୋଝେଇ ଏକ ଟ୍ୟାଙ୍କର ଯାଉଥିବା ବେଳେ ସନ୍ତ୍ରୀ ନିକଟରେ ଗାଡ଼ି ହଠାତ୍ ଅଚଳ ହୋଇପଡ଼ିଥିଲା। କୌଣସି ଯାନ୍ତ୍ରିକ ତ୍ରୁଟି ଯୋଗୁଁ ଏଭଳି ସମସ୍ୟା ସୃଷ୍ଟି ହୋଇଥିଲା। ଏ ସମ୍ପର୍କରେ ଏସ୍‌ପି ସୂଚନା ପାଇ ଗାଡ଼ି ମରାମତି ବ୍ୟବସ୍ଥା କରାଇବାକୁ ବଅଁରପାଳ ପୁଲିସକୁ ନିର୍ଦ୍ଦେଶ ଦେଇଥିଲେ । ବଅଁରପାଳ ଥାନା ଅଧିକାରୀ ସୁନିଲ କୁମାର କର ସ୍ଥାନୀୟ ମେକାନିକ୍‌ଙ୍କ ଜରିଆରେ ଗାଡ଼ି ମରାମତି ବ୍ୟବସ୍ଥା କରିଥିଲେ । ମରାମତି ପରେ ଗାଡ଼ି ବିଜୟୱାଡ଼ା ଅଭିମୁଖେ ବାହାରି ଯାଇଥିଲା ।